Jone 1:14 - BAṈARA KO VAIRU AMA LEVELEVEO

¹⁴ Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:14 Σταυροειδείς Αναφορές

Matiu 1:16

Ni vo Josepa ta Jekopi ko toutou kale ala, vo inio Mere vo tanala, ni ko ikio vo Jisu ko niania, voa Pakio vo Baṉara o pitoeveni.

Luke 2:11

Vairutu komia ipu kale mevo Pakio ta lula o alilala vo Devita ko peuru kale; vo inio vo Lekasa ni vo Baṉara o soroevani Pakio!

Luke 2:7

Nio kota ko alilivake kovo ito ala lasive meqora, ni kota ko sudevake rosi ama suma kale ni ko tekuevake bianabiana poso ko vuatakoi—koa mamazo ko pade ko poro kale ta puliama nioqako zae tu qo amaqeo ni qokai elo sole.

Luke 9:32

Ni Pita ni voko baerebaere kidi ke toirata keru seta ke keake Jisu ko ṉaṉaidara ni omuqa maba ta qopeta lojoake sai vo sase.

Jone 1:1

Puliako peuru ma peuru ereilo, inio vo Bazu ta obeta eve; vota o eve Baṉara sase, ni vota vo Baṉara tisoiko.

Jone 11:40

Nio Jisu ta eri ka kiolake ko, “Pui ṉo qerukerueka aṉa ṉati kiavevo ta ṉota ṉo qelou vo Baṉara ko ṉaṉaidara ṉo duvevo putou ta ṉa kiavema kio?” kiolake.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 14:9

Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola?

Jone 17:22

Aṉata lula a qatima koa omadeuma ṉaṉaidara ko ṉoṉo qatilema aṉa jari ama, tu seta omadeu ke elo omadeuvo ṉo ni aṉa ta omadeu jari.

Jone 17:24

“Mama! Ṉota lula ṉo qatile se aṉako maba poso, tu seta ke varolo aṉa, ni aṉata ama zaria se tu sai aṉa a eloa koi inio ke elou, tu seta ke kelou aṉako ṉaṉaidara, koa ṉaṉaidara ṉoṉo qatilema aṉa, ako ṉota ṉo roquele aṉa puliako ṉo ereko ko peuru ma peuru sole.

Jone 18:37

So sole Paelati ta o vati tiorikake vo, ni eri kiolake, “So sole ṉo inio kake vo aikovakova ṉa, kio?” kiolake. Nio Jisu ta o vati tiorikake vo ni eri kiolake, “So tisoiko so ṉo kiṉolani, aṉa inio kala aikovakova lala. Kokale avo inio aṉata a alile ni a quevi miduku kale, tu a qaseko ko tuveano, tu se tuveano ko maba madu ta ke didielou aṉa,” kiolake.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 3:18

“Vo o tuvevo puelani aṉa Baṉara vo Meqora lala ta pui opa koqotaevou vo Baṉara. Melai vo pui o tuvevo putani ta lula titititiziala, ako vota pui o tuvevo puela aṉa Baṉara vo pado Meqora lala sole.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Jone 8:32

ni meta meqai nianiiovou ko tuveano, nio koa tuveano ta ko rupasimelou me,” kiolake.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Romu 9:5

Seta se Hiburu qoqono ko taite poso ko vikuvikula kale amu inio, ni seko vikuvikula kale inio vo Baṉara o soroeveni Pakio ta o puratake. Animeta me ilusivou vo raura kala Baṉara vo o kati vailani kiadama quli latau ṉaniu ni ka ṉaniu. Emeni.

1 Koriniti 15:47

Ni vo kuleto ala Adami ta miduku kale o erei. Melai omuqala Adami ta o kuevi aukale azo.

2 Koriniti 12:9

Nio vota eri ama tiorizato o lati erekake aṉa, “Aṉako tauvezato sama roquano ta ko male noqoeṉo ṉoko tapata kale, ako aṉako pizato ta matu piza kama, so keru ṉoko lekuleku keru,” la kiove.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Kolosi 1:19

Ako o ṉavi Baṉara ko vatolo kale inio pado ama voko saevo ni kalo ta Karisito tona ko eve.

Kolosi 2:3

Vo o kiada inio o roveani melai nianiiekiko vo Baṉara ko mutamuta kama nianiio.

Kolosi 2:9

Ako koa pado ama ni noqola kama ni okotoma Baṉara ko saevo ni kalo ta ko eva ni ko saeva Karisito tona, voko maba elo kale.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 1:5

Ako vo Baṉara ta maba pui eri pa kiove kala pado vovo mateana kasi, “Ṉota aṉavo Meqora ṉa; vairutu aṉata a bazueṉa ṉo, ta aṉata ṉovo Mama lala.” Ni Baṉara ta pui opa kaseke kala mateana kale avo, “Aṉata vovo Mama a elou, ni vota aṉavo Meqora o elou,” kio.

Hiburu 10:5

Sokale avo inio, Karisito okai kuevivo komia peuru ma peuru, vota eri kiolake Baṉara kasi, “Ṉota pui ṉoqa zaria kama katizato ni siqasiqa poso, melai ṉota lula ṉo inainaeka aṉako tupu.

Hiburu 2:11

Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Hiburu 5:5

So jari nio vo Karisito ta pui opa pitoi o ṉavi tu vota raura o elo ni ṉisa siama o elo. Melai vo Baṉara va kiovevo ta eri, “Ṉota aṉavo Meqora ṉa, vairutu aṉata a bazueṉa ṉo, ta aṉata ṉovo Mama lala.”

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.

1 Jone 4:9

Eria kasa inio o ikevo vo Baṉara voko roquano anime kasi: vota o soroevake vovo pado Meqora komia peuru ma peuru kale ni vokale inio animeta me qoa ko tuvevo ama saevo.

2 Jone 1:7

Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.

Kelokelozato 19:13

Koa rosia sabosabo vo okai saboima ta o kana madu ko dara kale ke duluekema. Ni voko ṉi ta, “Baṉara vo Bazu.”

Kelokelozato 21:3

Ni aṉata a viqake kama pado matuma kora ko kuevako koa matuma lekasa ko papupapu kasi azo, eri kikolako, “Erisaṉa azo vo Baṉara ta maba poso kasi ota elou! Vota o elou se sase ni seta voko maba madu ke elou. O ṉavi Baṉara ta se sase o elou, ni vota sevo Baṉara o elou.