Jone 1:10 - BAṈARA KO VAIRU AMA LEVELEVEO

¹⁰ Voa Bazu ta o evake peuru ma peuru kale, ni Baṉara ta o erekake ko miduku vokale kude, melai sea maba madu ta pui kevai nianiiake vo.

Jone 1:10 Σταυροειδείς Αναφορές

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Jone 1:11

Vota okai kuevi o ṉaviko kunia peuru, melai sea kiadamu o ṉaviko kuniale amu ta pui ke baroekivake vo.

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 1:3

Vokale kude inio Baṉara ta o ereke kiadama quli; ni koa kiadama quli ta ko erei voa Bazu kale kude peuru ma peuru ko tanitanila keru.

Jone 1:5

Voa zakaremu ta o taloake kutumana kale, ni ko kutumana ta pui ko daipaevake vo.

Jone 17:25

Sidopu ala Mama, peuru ma peuru kale amu ta pui keṉai nianiia ṉo, melai aṉata aṉai nianiia ṉo, ni nia maba poso aṉako madu ta kelai nianiia ta ṉo inio ṉo joroeleni ṉa aṉa kio.

Jone 5:17

Nio Jisu ta o mati tiorikake se, “Aṉavo Mama ta pui o lalamatani iruruputo, ni aṉa melai soa iruruputo inio a eva,” kiolake.

Iruruputo 14:17

Melai kiada keru vota kasa o eve o ṉavi, voko katimo kale se uri ama quli. Ako vota o katimela anime ko nioro ni epa poso koko taku poso kale, ni o mela puarika ko sailao ni o matu zolemela anime,” kiqolake.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

1 Koriniti 8:6

so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.

Kolosi 1:16

Ako vokale kude inio Baṉara ta o ereke kiadama quli aukale ama ni miduku kale ama koko keazaivako vilu kale ni pui ko keazaivako quli, ko piza kama auvana poso, ko auvana lekasa poso, ni vailo ko auvana poso, ni kiadama auvana ko pizato poso. Baṉara ta o ereke kiadama quli vokale tu vo kaqe.

Hiburu 11:3

Oqu kale inio animeta me baqumuka ta Baṉara inio o ereke ko pado ama peuru ma peuru o ṉaviko pesio kale kio nio me qeako quli ta ko erei ko pui me qeako quli kale.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.