Iruruputo 7:2 - BAṈARA KO VAIRU AMA LEVELEVEO

² Nio Sitiveni ta o opatake, ni eri kiolake, “Kaka ni visi poso mela ni mama poso mela meta didielomo aṉa! Lulavo inio vo ṉaṉaidara kala Baṉara ta ovai puratake vo animevo taite Ebarahami sai Mesopotemia rana Kolodia o ṉisa peuru kale, puliako vo zio Harani elole,

Iruruputo 7:2 Σταυροειδείς Αναφορές

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 12:41

Aisea ta so kiove, ako vota o keve vo Jisu ko ṉaṉaidara, ni so inio vota o kasevake.

Iruruputo 22:1

“A baerebaere poso mela ni a mama poso mela, meta tala viqomo aṉako qaraqarailo sama pesio mekasi ama!” kiolake.

Iruruputo 23:7

Ni so keru vo so be kiola keruṉa inio se Parese madu ni se Sadiusi madu ta keta ziamaziamaekiniake, ni koa poqala kale ama maba poso ta keta pitasiake seko kerukeru kale.

Iruruputo 7:1

Nio vo Ṉisa Siama ta o kuimaevake vo Sitiveni ni eri kiolake, “Komi ta tuvevo ama quli kio, kio?” kiolake.

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

Epesasi 1:17

Ni kiada keru aṉata a vararaita Baṉara kasi, animevo Lekasa Jisu Karisito vo ṉaṉaidara kala Mama, tu vota o katimelou vo Tabu ala Auvana, vo o nianiiekimelo ala ni kasa o mela ivo ala vo Baṉara tu meta mevai uria nianiiovou vo.

Taitasi 2:13

ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 11:8

Vo Ebarahami ta ovai oqui vo Baṉara ni vota o zorive vo so keru vo Baṉara o nokaeve keru tu vota o tanito talio tu o zio kama pado peuru kale vo Baṉara o kativo ama ka kiolako tu vota o ṉeamuko ko. Vota o vaekake voko ṉisa peuru kai nianiio pideakoi sai vo o ziovoa koi ka kiolakoi.

Jemisi 2:1

A lolo poso mela, meta mevai oquani mela vo animevo Lekasa Jisu Karisito, vo ṉaṉaidara kala Baṉara, so sole meta pui tama paṉao kake pala ni mai masapo kake seko kupekupe ama melo ko pitasimo kale.

Kelokelozato 4:11

“Eṉevo Lekasa ni ṉe Baṉara ṉa! Ko male tu eṉeta ṉe ṉaṉaidara pueṉou, ni ṉe rauraeṉou, ni ṉeṉai ilusikou ṉoko pizato, ako ṉo inio ṉo erekeni ṉa kiadama quli sole, ni ṉoko vatolo kale inio kota ko tanite ni saeve,” kikela.