Iruruputo 6:9 - BAṈARA KO VAIRU AMA LEVELEVEO

⁹ Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Iruruputo 6:9 Σταυροειδείς Αναφορές

Matiu 10:17

So inio meta me balauvou, ako kake maba poso ta ke melati ziovou sole me titizikinio kale, ni ke pazomelou seko ilusato ko pade kale.

Matiu 23:34

So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale.

Matiu 27:32

Ni so keru seke vati ola keru, seta ke toraevake kala maba Sairini ala o ṉi ta Saimone, ni se solodia madu ta ke zuruzuruevake vo tu o boriko Jisu ko korosi.

Maka 13:9

“Ni meta me ṉavi nio me balauvou. Ako seta ke noqoemelou, ni ke melati ziovou titizikinio kale ni seta ke pazomelou ilusato ko pade kale ni ke lojoemelou me se Lekasa poso ni Qavuna madu ko tanama kale, ni so inio meta meqai bazutou ko Uri ama Bazu sekasi.

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Iruruputo 11:20

Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu.

Iruruputo 13:1

Ni Anitioko peuru kale ama lotu qoqono kale ta iniseana so keru kake poropita madu ni titisa madu: seta Banabasi, Simeoni (Sibi ala va kikelani), Lusiasi (Sairini ala), Manaeni (vo Herodi qavuna sase ke rapukiveni) ni Saula.

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 15:41

Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 18:24

Ni koa taku keru inio kala Jiu ala Apolosi o ṉi sala, Alekezadaria o alileni, ta o kuevake Epesasi peuru kale. Vota kala nianiiola maba ni o uria patapataekani ko Tabu ama Riki.

Iruruputo 19:10

Komi quli ta omuqa sabere kota ereivake, so sole kiadama maba se Eisia rana ke evani, Jiu amu ni pui Jiu amu, ta ke viqake vo Lekasa Jisu ko bazu.

Iruruputo 19:26

Ni erisana, meta meqai nianiia ni me viqa nea maba Paula o erekako quli. Vota eri kiola, maba madu ṉase kale ke erekako beku baṉara poso, ta pui tuvevo ama baṉara poso kiola, ni vota lula o lilima matu kubo maba madu komia Epesasi peuru kale amu ni sipole kiadama komia Eisia ranama peuru poso kale amu.

Iruruputo 21:27

Melai so keru koa sikeura ṉaniu vo Paula omai bazuekema ta kota okoto kikolake inio kake se Eisiama Jiu amu ta ke veake vo Paula Jelepade kale. Nio seta ke ikirimake sea matu padopadoilo seko korakorailo sama pesio kale ni ke noqoevake vo Paula.

Iruruputo 21:39

Nio Paula ta o vati tiorikake vo ni eri kiolake, “Aṉata Jiua lala inio, Silisia ranama Tasisi a alileni lala koa matu qulepo ama peuru kale azoa lala. Sole aṉai titia tu a besio nia maba poso kasi,” kiolake.

Iruruputo 22:19

Ni aṉata a opatake, ‘Lekasa, seta kelai uria nianiia aṉa ta aṉa inio a qeveni lala Jiu amu ko ilusato ko pade kale ni a noqoeme, ni a bazomeni lala seke tuvevo pueṉani ṉo.

Iruruputo 22:3

“Aṉata kala Jiua lala, Silisia ma Tasisi a alileni lala melai a rapukeni lala koi Jerusalema ni Qamelieli inio o nianiiekileni aṉa. Aṉata a qoe animeko taite poso ko Bazu ko nianiiekato ni aṉata lula matu mumuasa puilo aqai eva vo Baṉara va nabuluputo omadeuvo koi me jari komia ṉaniu.

Iruruputo 23:34

Nio voa Qavuna ta o tiromikake koa leta ni vota ovai kuimanaoke vo Paula lama kena peuru kale azo ala inio vo kio. Nio so keru vo o paqumuva keru ta vota Silisia ala inio kio,

Iruruputo 24:18

Ni so keru aṉa komi abe ereka keru inio seta ke lati inotake aṉa Jelepade kale so keru aṉa lula a okotika keru aṉako bulebuleilo ko iruruputo. So keru ta puliama matuma vaki kopa eve aṉa sase ni puliama ṉiṉoreo kopa eve koa taku.

Iruruputo 26:11

Kubo taku ta aṉa inio a lipilipiteni lala animeko ilusato ko pade poso kale koqotaemelo se, ni aqa zariani lala zuzuemo tu seta keta ka zolio seko oqu. Aṉata amai matu iqaike se so sole aṉata a qeveni lala edoloma peuru poso kale pui Jiu ama peuru poso kale tu sai melai a naquemo sea pitasa maba madu.

Iruruputo 6:10

Melai vo Tabu ala Auvana ta o kativake ko nianiio vo Sitiveni so keru vo o pesi keru, so sole seta pui ke roveake tava pazoko voko pesio.

1 Koriniti 1:20

So sole se nianiiomu ni seke lezumatani maba madu ta pulia quli jari, ni so jari se roverove amu kai zolizoliekinio kale seko kerukeru komia ruqe ama peuru ma peuru ko.

Qelesia 1:21

Ni koko tova inio aṉata a olake Siria ni Silisia rana.