Iruruputo 5:3 - BAṈARA KO VAIRU AMA LEVELEVEO

³ Nio Pita ta eri kiolake vokasi, “Ananaiasi, noi sole inio ṉota ṉo lekasa pueva vo Setani ṉoko bulo kale ni ṉota ṉo lipalipaeva vo Tabu ala Auvana ṉo taka ṉeamuko kale kama kobu seleni ṉo ṉoqai tatabaraolama lomaloma kale azo ko puratalama kale azo?

Iruruputo 5:3 Σταυροειδείς Αναφορές

Matiu 13:19

Koa sisu koko piako keve tona ta ko mamola puema sea maba poso seke viqani ko bazu vo Baṉara ko lekasa puo ko, melai pui ke paqumukani. Nio vo Setani ta o kueva ni ota ma ṉamuka koa bazu koko piako seko bulo kale.

Luke 22:3

Nio vo Setani ta ovai amaqeake vo Jiudasi, kama pado voko ṉi ta Isikarioti va kikeveni, vota kala pado sea toni omuqa disaipeli madu kale ala.

Jone 13:2

Ni Jisu ni voko disaipeli poso ta kebeta papuake ni kebeta vuatake. Ni kala pado vovo disaipeli, Jiudasi va kikelani, Saimone Isikarioti vo meqora, vo Setani ta lula ota va niumaeka voko kerukeru tu vota o saiqorivo vo Jisu.

Jone 13:27

Ni eria kovo obe evake vo Jiudasi koa bereti, inio vo Setani ta ovai amaqeake vo. Sai nio Jisu ta eri kiolake vo Jiudasi kasi, “Taukavole ereka ko ṉo ṉoqa zariako ereko!” kiolake.

Iruruputo 5:2

Melai vota ota ka koake kama kobu koa seleni koa miduku kale ko puratema tu o ṉavi kaqe, ni voko reko melai ko vati zolaekake koa kalo, ni kama kobu pala ta o katimake se apositolo madu.

Iruruputo 5:4

Puliako ṉo kai tatabarao koa miduku, kota ṉoko, ni lula ṉoqai tatabaraova ko saita melai ṉoda rovea kati lulueko ṉo ṉaviko kerukeru koa seleni. Noi sole inio ṉoda lipata ta koa pado ama seleni ṉo qatiṉela kinola? Ṉota pui ṉo lipalipata maba kasi, melai ṉota ṉo lipalipata Baṉara kasi!” kiolake.

Iruruputo 5:9

So sole Pita ta eri kiolake kokasi, “Noi sole inio ṉo ni ṉovo lasive ta qe korotikala tu qeta qe madoevo vo Baṉara vo Tabu ala Auvana? Sea lasive rusu se kepa mutavani ṉovo lasive ta veutu ketaketa kebeta eva, ni seta mata kepa boriṉou ṉo ni ke ṉati saqorou!” kiolake.

Jemisi 4:7

So sole meta katiziomo vo Baṉara kasi. Ni meta vati kanaekiniomo vo Setani, nio vota o soqoilou mekasi azo.

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.