Iruruputo 4:34 - BAṈARA KO VAIRU AMA LEVELEVEO

³⁴ So sole puliala koa poqala kale ala ta olaquavo o evake. Ako se miduku samu ma pade samu ta kekai tatabaraovake mati, ni seta ke kati kuevake se kekai tatabaraovake lomaloma poso ko seleni,

Iruruputo 4:34 Σταυροειδείς Αναφορές

Matiu 19:21

Nio Jisu ta o vati tiorikake, ni eri va kiolake, “Ṉota ṉoqai zaria matu uri ama maba ṉa elo, sole ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi. Saita inio ṉo luluelou aṉa,” kiolake.

Maka 10:21

Ni Jisu ta o toiritoirivake voa maba ni o roquevake vo ni eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi, saita inio ṉo luluelou aṉa,” kiolake.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 16:9

Ni Jisu ta obeta olake pesio ni eri kiolake, “Aṉata a bazuemela me, tu kai lolopareomo komia peuru ma peuru kale ama batiro meko mai tauveko kale edolomu, ni so keru koko paitou keru, inio vo Baṉara ta o baroekimelou me voko noqola kama pade kale.

Luke 22:35

Nio Jisu ta o bazuemake voko disaipeli madu ni eri kiolake, “Koa taku aṉa a joroemele keru me, kukulu ni vesa ni buti pide keruṉa ta kama quli ta mebe kai nieuvi, kio?” Ni seta eri kikelake, “Maba puliama quli,” kikelake.

Iruruputo 2:45

Seta kekai tatabaraovake mati seko miduku ni seko lomaloma ni seta kemai tauvekake koko seleni sea kiadamu seke toraekeni ko tapata seko poqala kale amu.

Iruruputo 4:37

Vota okai tatabaraovake kama pado voko epa sama miduku, ni vota o kati kuevake koko seleni, ni o katimake se apositolo madu.

1 Tesalonaika 4:12

Koa keve kale inio se pui nio ke tuvevo putani ta keta mela paṉaovou, ni meta pui meba ziovoziovoitou sekasi pasekole ko saevo ko korotikako quli.

1 Timoti 6:19

Komia keve kale kude inio seta noqola kama batiro saṉa ke elou ti ke kovou koa noqola kama saevo, koa tuvevo ama saevo.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.