Iruruputo 3:6 - BAṈARA KO VAIRU AMA LEVELEVEO

⁶ Melai Pita ta eri kiolake vokasi, “Aṉata puliama siliva ni qolo seleni salala, melai aṉata ikoana ka pado quli salala ni ko quli kio a qatiṉou ṉo. Sole vo Nazareti ala Jisu ko ṉikale aṉata a bazueṉa ṉo tu ṉota loje ni tali!” va kiolake.

Iruruputo 3:6 Σταυροειδείς Αναφορές

Matiu 10:9

Ni meta pui me borikou kama takula meko kukulu kale.

Matiu 7:22

Ni titizato ko ṉaniu ko barolou keru inio kubo madu se kekai lipalipaitani ko sidopu ta eri kikevou aṉa kasi, ‘Ṉota eṉevo Lekasa ṉa! Ṉoko ṉikale eṉeta ṉe bazubazute, ni ṉoko ṉikale eṉeta ṉe rerike ko ziolo poso ni ṉe erekake kubo aqasiele ama iruruputo!’ kikevou.

Maka 14:8

Nio komia rekoreko ta ko erekala ko kokai roveako, ni koko raibiko ko uria tui ama lumu aṉako tupu topi ta ko inainaeka inio aṉako mutailo.

Maka 16:17

Ni seke tuvevo puto amu ta Baṉara inio o katimou se ko pizato ni ke erekou aqasiele ama iruruputo. Ni seta ke rerikou ko ziolo poso aṉako ṉikale, ni seta kekai pesiovou azaazama pesio.

Jone 19:19

Ni Paelati ta o rikiekake kama pado bazu nio se pazokinio ko maba poso ta ke nasoekake korosi topi, “Nei nio vo Nazareti ala Jisu, se Jiu amu vo Aikovakova” kikolako.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 16:18

Ni kota so pado kobeta kake kubo ṉaniu, ti matu kaikua nio kobe ivake vo Paula so sole vota oka lilitake ko ni eri kiolake koa ziolo kasi, “Vo Jisu Karisito ko ṉikale aṉata a bazueṉa ṉo tu ṉota saqore kokale azo!” kiolake. Ni koa ziolo ta kota saqorake koa taku kale koa sinaqu rusu kale azo.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 2:36

“So sole kiadama Izireli amu mela ta kai nianiiomo komi ko tuveano, ta vo Jisu meme vouvaeveni korosi topi, vo inio voa Jisu, vo Baṉara Lekasa ni Pakio o iveni!” ma kiolake vo Pita.

Iruruputo 3:16

Voko ṉi ko pizato kai oqu ikio nea lepu ala maba ko pizativake, vo nei meme veani ni mevai uria nianiiani. Voko vai oqu vo Jisu ikio ko urikivalama, vo me roveani velo mea kiada mela.

Iruruputo 3:5

So sole vota o toiritoirikake nioqa, esa nioqata qo kativou kama quli kiolake sole.

Iruruputo 3:7

Ni vota ota va noqoekake voko palo ṉase ni o lojoevake vo. Nio maba koa taku kale inio voa maba ko omuqa kiti ni voko omuqa vaquvaqu ta kota va pizatake,

Iruruputo 4:10

sole mea kiada mela ta meqai nianiiovou, ni kiadama Izireli qoqono melai uri tu kekai nianiiovou, ta nea maba koi o lojoani meko tanama kale ta ota maba urikala, vo Jisu Karisito o ṉi sala maba Nazareti ala ko pizato kale, vo meme vouvaeveni korosi topi ni vo Baṉara mata o saeviveni voukale azo.

Iruruputo 4:7

Ni seta ke lojoekake koa omuqa apositolo seko kuleto ni ke kuimaekake nioqa ni eri kikelake, “Nonia ereko inio qe evalavo koa urikato? Loma pizato saqela inio ni lalako ṉi kio qekai iruruputako?” kikelake.

Iruruputo 9:34

Nio Pita ta eri kiolake vokasi, “Iniasi, vo Jisu Karisito ta o urikiṉa ṉo. Loje ni lokieka ṉoko kobo,” kiolake. Nio Iniasi ta taukavole o lojoake.

1 Koriniti 4:11

Ti kobeta baroa komia taku kale melai eṉeta ṉeda luapa ni ṉeda rokauva ni ruaja suma kale ṉe qiazaita ni maba madu ta ke pazoṉela, ni eṉeta puliama ṉisa pade saṉela,

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

2 Koriniti 8:12

Ako meta dikidauputole me erekou meko katizato ta, vo Baṉara ta oka zoleilou meko katizato me meqai bokaovako ereko, ni pui opa ka zariovou ko me pui meqai bokaovako quli ereko sole.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.