Iruruputo 28:8 - BAṈARA KO VAIRU AMA LEVELEVEO

⁸ Ni Pabiliasi vo mama, vo tataṉo ni dara suru ko voani, ta obeta tekuake kobo topi. Nio Paula ta o amaqeake voko lose kale, ni o vararaitake, ni ovai ivikake voko ṉase, ni o urikivake vo.

Iruruputo 28:8 Σταυροειδείς Αναφορές

Matiu 10:1

Ni vo Jisu ta o nokaemake ni o padoemake omadeukoi o ṉaviko toni omuqa disaipeli madu, ni vota o katimake se ko pizato tu seta ke rerikou ko ziolo poso ni urikimou se maba poso kiadama azaazama vere poso kale azo.

Matiu 10:8

So sole meta me urikimou seke verepani ni me jaevimou se voumu, ni me urikimou se pokupoku amu ni meta mema rerikou ko ziolo poso. Ni meta me ṉeamukani mela koa tauvezato utuakoi, so sole meta mata katimomo se koa tauvezato utuakoi.

Matiu 12:13

Nio vota eri kiolake vo lepu ama ṉase sala maba kasi, “Ṉota totozika ṉoko ṉase.” Ni vota o totozikake ni voko ṉase ta kota va pizatake kama rana uri ama ṉase jari.

Matiu 9:18

Nio vo Jisu obeta bazubazuta keru inio kala Jiu amu vo tanala ta o kuevake Jisu kasi, ni o iqeiqeake voko tanama kale, ni eri kiolake vokasi, “Aṉako meqora ta kota la voula, sole kua tu pa kai ivika ṉoko ṉase tu kota kola saevo.”

Maka 16:18

Ni seta kebe kamakou ko vou sama dole, ni ke nozuekou vou sama quli melai pui kepa vouvou. Ni kemai ivikou seko ṉase se vere amu ni seta keta urikou,” kiolake vo Jisu.

Maka 5:23

ni ovai titiake vo Jisu, ni eri kiolake, “Lekasa, aṉako sinaqu rusu meqora ta kota matu verepa ni aṉata aṉai zaivota ṉo tu ṉo qilou ni ṉoba kai ivikou ṉoko ṉase, nio kota ko urikou.”

Maka 6:5

So sole vo Jisu ta pui o roveake ereko kubo aqasiele ama iruruputo koa peuru kale, melai kake pala inio omai ivikake voko ṉase ni o urikimake se.

Maka 7:32

Ni kake maba poso ta ke vati olake kala maba qiqili ala ni pui o roveani pesio Jisu kasi, ni seta ke pasevake vo tu ovai iviko voko ṉase.

Luke 13:13

Ni vota okai ivikake ko voko omuqa ṉase, ni koa taku kale kota kota sidopua lojoake ni ko ilusivake vo Baṉara.

Luke 4:40

Ni ṉaniu ko sulupo ko tova inio kiadamu se azaazama vere poso samu ko lolo poso ta ke mati kuevake se Jisu kasi, ni vota omai ivikake voko ṉase se omaomadeu kale kude ni vota o urikimake sea kiadamu.

Iruruputo 28:7

Ni koa zaekale azo ta pui vaṉa kama miduku poso Pabiliasi ko, vota koa udu kale ala matula lekasa. Ni vota o odieṉelake eṉe voko pade kasi ni o ṉelati uria baerebaereake eṉe, ni eṉeta ṉe evake sai zouke ṉaniu.

Iruruputo 28:9

Nio so keru koko ereiva keru, kiadamu koa udu kale ama vere amu ta ke kuevake vokasi ni vota o urikimake se.

Iruruputo 9:40

Ni Pita ta o saqorimake sea kiadamu koa lose kale azo, ni o iqeiqeake ni o vararaitake. Ni vota o lilitake koa vouma tupu kasi ni eri ka kiolake, “Tabita, loje!” kiolake. Ni kota ko leqosikake ko vilu, ni kota ko veake vo Pita, ni kota kota papuake.

1 Koriniti 12:28

Vo Baṉara ta lula o vaemela animea kiada mela me ṉaviṉavi ko zaekale voko lotu qoqono kale. Kuleto ta se apositolo madu, omuqama pado zaekale ta o vaema se poropita madu, ni zouke ala pado zaekale ta o vaema se nianiiekato ko maba madu. Koko tova ta se aqasiele ama iruruputo ko maba poso, koko tova ta se urikato ko maba poso, ni seke tauvemani edolomu, ni seke korokorotimani se lotu qoqono azaazama iruruputo kale, ni se kekai pesiani pui kekai nianiiako pesio kale.

1 Koriniti 12:9

Mata kala ta o kativa voa omadeula Auvana ko piza kama oqu, ni mata kala maba ta o kativa ko pizato tu urikato.