Iruruputo 22:3 - BAṈARA KO VAIRU AMA LEVELEVEO

³ “Aṉata kala Jiua lala, Silisia ma Tasisi a alileni lala melai a rapukeni lala koi Jerusalema ni Qamelieli inio o nianiiekileni aṉa. Aṉata a qoe animeko taite poso ko Bazu ko nianiiekato ni aṉata lula matu mumuasa puilo aqai eva vo Baṉara va nabuluputo omadeuvo koi me jari komia ṉaniu.

Iruruputo 22:3 Σταυροειδείς Αναφορές

Luke 10:39

Ni kota visi sama Mere ṉi sama, koko papima vo Lekasa Jisu ko kiti kasi ni koko didiekema voko nianiiekato.

Luke 2:46

Ni zouke ama ṉaniu kale nioqako vaeko Jerusalema ko tova inio nioqata qo veake vo Jelepade ko ko poro kale, obeta papuake se nianiiomu sase, o viqaviqazatake ni o kuimakuimaemake se.

Luke 8:35

Nio saizama maba poso ta ke olake kelole koko ereilama quli, ni so keru seke baroa keru sai Jisu kasi, seta ke veake voa maba vo ziolo lula kota va akoivani ta obeta papuake Jisu ko kiti kasi, uria saboilola ni voko kerukeru ta lula uri kovai evani. Ni sea kiadamu ta keta matu ṉake.

Iruruputo 11:25

Ni Banabasi ta ota olake Tasisi Saula vailivole.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 15:41

Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Iruruputo 21:20

So keta va viqa keru vo nio sea kiadamu ta ke ilusivake vo Baṉara. Ni seta eri kikelake, “Baerebaere Paula, ṉota no rovea melo matu kubo vuro Jiu amu ta lula ke tuvevo puta, ni sea kiadamu ti kekai pataita zoriko vo Mosese ko Bazu.

Iruruputo 21:39

Nio Paula ta o vati tiorikake vo ni eri kiolake, “Aṉata Jiua lala inio, Silisia ranama Tasisi a alileni lala koa matu qulepo ama peuru kale azoa lala. Sole aṉai titia tu a besio nia maba poso kasi,” kiolake.

Iruruputo 23:34

Nio voa Qavuna ta o tiromikake koa leta ni vota ovai kuimanaoke vo Paula lama kena peuru kale azo ala inio vo kio. Nio so keru vo o paqumuva keru ta vota Silisia ala inio kio,

Iruruputo 23:6

Ni Paula ta o meake koa poqala maba poso kake ta Sadiusi madu se mata saevo voukale azo pui ke tuvevo puekani, ni kake ta Parese madu, seke tuvevo puekani ko, so sole vota omai velavelaoke se Kauniseli madu ni eri kiolake, “A baerebaere poso mela! Aṉata kala pado Parese lala inio, ni kala Parese vo meqora lala inio. Aṉata a lojoa koi vairutu titizikinio kale ako aṉata a ṉeamukani lala sole ko mata saevo voukale azo ama!” kiolake.

Iruruputo 26:5

Seta kelai nianiiovi aṉa lulali azo sole seta keka zariovou tea ke kaseko inio, aṉata a eveni lala sea maba poso ko poqala kale se matu piza kavole ke lulupatani animeko lotu kale se inio se Parese madu.

Iruruputo 26:9

“Lulali aṉa melai a qerukerutake ta sidopu ikio tu aṉata a erekou kiadama quli aṉa aqai kanaekiko ama vo Nazareti ala Jisu ko ṉi.

Iruruputo 5:34

Melai kala pado sekale ala, kala Parese Qamelieli o ṉi sala, vo Mosese ko Bazu okai nianiiekateni ni maba poso keta va matu paṉaovini, ta o lojoake ko Kauniseli kale. Ni vota o bazuemake se tu seta ke saqorimo saita kupele se apositolo madu,

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Iruruputo 9:1

Ni koa taku kale inio Saula ta obeta olake ereko ko ṉavaṉavato sama pesio tu o vouvaemo vo Lekasa ke luluevani. So sole vota o olake Ṉisa Siama kasi

Iruruputo 9:11

Nio vo Lekasa ta eri kiolake vokasi, “Inainaovi ni lulueka ko keve Sidopu ama Keve kekai nokaekako, ni Jiudasi ko pade kasi nio ṉova kuimanaovou vo Tasisi ala maba Saula o ṉi sala. Vota obeta vararaita,

Iruruputo 9:30

Nio so keru seke tuvevo putani ke paqumuke keru ko, seta ke vati olake vo Saula Sizaria, ivere ketaketama peuru kale, ni ke soroevake vo vaka kale Tasisi peuru kale.

Romu 11:1

Noi nio, vo Baṉara ta o ṉamume ni o edolime o ṉaviko maba madu kio? Maba pui! Ako aṉa inio kala pado lala Izirelia lala sole, ni aṉa inio kala pado vo Ebarahami ko vikuvikula kalea lala, ni kala pado vo Benijimane ko toutou kalea lala sole.

2 Koriniti 11:22

Hiburu amu inio ko se kio? Aṉa melai so. Izireli amu inio ko se kio? Aṉa melai sai zalala inio. Ebarahami ko vikuvikula kale amu nio ko se kio? Aṉa melai so pado.

Qelesia 1:14

Ni aṉata kala matu roverove ala maba lala se Jiu amu ko lotu kale, ni aṉata abe mai paloasake matu kubo madu aṉa kale amu, ako aṉata a matu madoekake tu a lulueko eṉeko taite poso ko vikuvikula bazu sole.

Qelesia 1:21

Ni koko tova inio aṉata a olake Siria ni Silisia rana.