Iruruputo 2:47 - BAṈARA KO VAIRU AMA LEVELEVEO

⁴⁷ ni seta ke ilusivake vo Baṉara, ni kiadama maba madu ta kemai zoleike se. Ni kiadama ṉaniu vo Lekasa Jisu ta o padoemake se ṉaniu ma ṉaniu ke liliziovini ni ke koeni ko pakio seke tuvevo puteni ko poqala kale.

Iruruputo 2:47 Σταυροειδείς Αναφορές

Luke 19:48

melai seta pui ke roveake kelo kama pado keve tu ke vouvaevo vo, ako kiadama maba poso ta pui ke dokolake didievo vo sole, pui keka zariake tu kai suato kama pado voko pesio sole.

Luke 2:52

Ni vota o rapukake voko tupu ni uri ama kerukeru kale, ni vo Baṉara ni se maba poso ta uria kerukeruevo ke evake.

Iruruputo 11:21

Ni vo Baṉara ko pizato ta ko evake se tona, ni matu mota kama maba poso ta ke tuvevo putake ni keta liliziake ni ke luluevake vo Jisu.

Iruruputo 11:24

Banabasi ta kala uri ala maba, vota piza kama oqu sala ni ovai sukatani vo Tabu ala Auvana ni so inio o lilimake kubo madu vo Lekasa kasi.

Iruruputo 13:48

Nio so keru se pui Jiu amu ke viqe keru ko, seta keta zoleike ni matu uri ka kikeve vo Baṉara ko bazu, ni seke pitoini tu ke kovo amu koa noqola kama saevo ta ke tuvevo putake.

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 14:21

Ni Paula ni Banabasi ta qokai bazubazutake vo Jisu ko Uri ama Bazu Debi peuru kale ni nioqata qo lilimake kubo maba madu. Ni nioqata qota vaitake Lisitara, sai kazo ta Aikoniami, ti qopeta olake Anitioko Pisidia rana.

Iruruputo 16:5

So sole sea lotu qoqono poso ta ke pizatake seko oqu kale ni kubo elole kebeta olake kiadama ṉaniu poso kale.

Iruruputo 17:12

Ni kubo madu ta ke tuvevo putake, ni kubo Quriki ama raura kama rekoreko ni lasive poso melai ke tuvevo putake.

Iruruputo 2:39

Ako vo Baṉara ko leveleveo ta me kaqe ni meko meqora poso kaqe, ni kiadamu se vaṉa kebeta evani—sea poso kaqe vo Lekasa animevo Baṉara o nokaemo amu o ṉavi kasi,” kiolake.

Iruruputo 2:41

Ni kubo madu ta ke tuvevo puekake voko bazubazu ni seta bapitaiso ke evake, ni zouke vuro maba madu ta ke amaqeake seke tuvevo puteni ko poqala kale koa ṉaniu kale.

Iruruputo 4:21

Sole se Kauniseli madu ta matu piza kama balauvato ko bazu ke katikake nioqa ni ke rupasikake. Ako seta ke keake ta puliama keve tu ke koqotaeko nioqa sole, ni sea kiadama maba poso ta ke ilusivake vo Baṉara, koko ereima quli kale avo.

Iruruputo 4:33

Ni matuma pizato kale se apositolo madu ta kekai bazutake vo Lekasa Jisu ko mata saevo voukale azo, ni vo Baṉara ko mauruto ta komai raibiziake sea kiadamu.

Iruruputo 4:4

Melai kubo madu seke viqeni koa bazubazu ta ke tuvevo putake, ti seko ataataiti seke tuvevo puteni ko ta kokai baroi sike vuro madu.

Iruruputo 6:1

Ni kama taku poso ko tova, inio seke tuvevo putani ta kubo keta evake, koa taku inio se Jiu amu Quriki pesio mu seke tuvevo putani ni se Jiu amu ke ṉaviko Jiu ama pesio mu seke tuvevo putani ta keta aivekiniake ke ṉavio kude. Se Quriki pesio ama Jiu amu ta keta tirazake ako seko naboko poso ta lula ukaka kemai ika Jiu pesio mu ṉaniu poso kale ke puarikake sailao ma seleni seke koako sole.

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

Iruruputo 9:31

Ni kiadama Jiudia, ni Qalili, ni Sameria peuru poso kale ko evako lotu qoqono ta bule ke evake koa taku keru azo. Vo Tabu ala Auvana ko tauvezato kale seta ke pizatake ni kubo ke evake, ni seta ke evake vo Lekasa tava paṉao kale.

Iruruputo 9:35

Ni kiadamu Lida peuru kale ni Saroni keta kale ama peuru poso kale ke evani ta ke veake vo, ni seta ke liliziake Lekasa kasi.

Romu 14:18

Voa maba vo ova nabuluputani vo Karisito koa keve kale ta o zoleva vo Baṉara ni vota uri ala se maba madu kasi.

Romu 8:30

Ni anime lula o edolimelani ta o nokaemelake, ni anime lula o nokaemelani, ta o sidopu puemelake, ni vota o zomanimelake voko ṉaṉaidara kale.

Romu 9:27

Aisea ta o velavelaoke Izireli qoqono kale avo ni eri kiolake, “Izireli amu ta keta kale ama karokoni jaria kubo amu, melai kama poso madu inio ke pakiovo amu;

1 Koriniti 1:18

Ako vo Karisito ko vou korosi topi ama ko Bazu ta utube ama quli noqola tolailo kale ke ziovo amu kasi, melai anime me bakiziani mela ta koa Bazu ikio ko kaseka vo Baṉara ko pizato anime kasi.