Iruruputo 2:41 - BAṈARA KO VAIRU AMA LEVELEVEO

⁴¹ Ni kubo madu ta ke tuvevo puekake voko bazubazu ni seta bapitaiso ke evake, ni zouke vuro maba madu ta ke amaqeake seke tuvevo puteni ko poqala kale koa ṉaniu kale.

Iruruputo 2:41 Σταυροειδείς Αναφορές

Jone 14:12

Tuvevo avole aṉata a bazuemela me, vo tuvevo o ilani aṉa ta vo melai o erekou koa iruruputo aṉa a erekako—tuvevo, koa iruruputo vo o ereko ama ta kokai paloasou aṉa a erekako iruruputo poso, ako aṉata a zio a Mama kasi sole.

Jone 21:11

So sole Saimone Pita ta o olake ni o zazuake koaka topi, ni ota ka koake ko saru ko paka ni o koiviekake keta kale. Matumatuma niuniu poso sukasukati sama, omadeu paizana sike toni zouke. Kota matu kubo, melai saru ta pui ko rotiziake.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 13:48

Nio so keru se pui Jiu amu ke viqe keru ko, seta keta zoleike ni matu uri ka kikeve vo Baṉara ko bazu, ni seke pitoini tu ke kovo amu koa noqola kama saevo ta ke tuvevo putake.

Iruruputo 2:37

Ni so keru se maba madu ke viqa keru ko quli, kota kota ma jataekake seko bulo ni eri kikelake Pita ni sea kiadama apositolo madu kasi, “Baerebaere poso, sole eṉeta noi nio ṉe qalou?” kikelake.

Iruruputo 2:47

ni seta ke ilusivake vo Baṉara, ni kiadama maba madu ta kemai zoleike se. Ni kiadama ṉaniu vo Lekasa Jisu ta o padoemake se ṉaniu ma ṉaniu ke liliziovini ni ke koeni ko pakio seke tuvevo puteni ko poqala kale.

Iruruputo 27:37

Ni eṉeko ataataiti vaka topi ṉe zazini ṉela ta 276 ṉela.

Iruruputo 3:23

Vo pui o zorivo ala voa Poropita ta o pitasiovou Baṉara ko maba madu kasi azo ni vota o niumailou!’ kiove.

Iruruputo 4:4

Melai kubo madu seke viqeni koa bazubazu ta ke tuvevo putake, ti seko ataataiti seke tuvevo puteni ko ta kokai baroi sike vuro madu.

Iruruputo 7:14

So inio Josepa ta o soroekake ko bazu vovo mama kasi, ni sea kiadamu voko mabamu sikeura toni sike maba madu tu ke kilo Ijipi kiolake.

Romu 13:1

Kiadamu ta ke zorimo se qavuna madu, ako puliala ta pizato sala Baṉara pui o zarievo vo tea. Ako vo Baṉara kasi azo inio ke koani ko pizato sole.

1 Tesalonaika 1:6

Meta me ṉeamuke ko Uri ama Bazu koa zoleilo sate, koko kuevako vo Tabu ala Auvana kasi azo, rouka mebe toraeke melai ko matuma tapata meko lulueko kale avo koa Bazu. Ni meta me lulueke eṉeko ni Lekasa Jisu ko kalo.

1 Pita 3:20

Ni se inio ko se pui kepa zoriveni vo Baṉara Noa ko taku keru. Vo Baṉara ta matu inobea taremo o evake Noa obeta orumata keru ko vaka melai seta pui ke zorivake. Ni pui kubo madu inio se melai siotolu madu ke kiada inio ke amaqeake koa vaka kale ni ke pakiovi koa jukale.

Kelokelozato 16:3

Ni vo omuqala mateana ta o raibikake ivere kale voko lolulolu Baṉara ko korakorailo sama. Nio koa ivere ta vo voula maba ko dara jari kota evake, ni kiadama saevoma quli ivere kale ama ta kota vouvake.