Iruruputo 2:4 - BAṈARA KO VAIRU AMA LEVELEVEO

⁴ Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Iruruputo 2:4 Σταυροειδείς Αναφορές

Matiu 10:19

Ni so keru seke melati ziovou keru me titizikinio kale, meta pui tiṉoliṉoli meqai elou ko noi nio me kimevo avo kio seke melai kuirikani me ko ruqe kasi. Melai so keru ko barolou keru meko pesio ko taku inio kota ko puariziovou mekasi ko quli me meqai pesiovo ama.

Maka 16:17

Ni seke tuvevo puto amu ta Baṉara inio o katimou se ko pizato ni ke erekou aqasiele ama iruruputo. Ni seta ke rerikou ko ziolo poso aṉako ṉikale, ni seta kekai pesiovou azaazama pesio.

Luke 1:15

Vota raura kala maba o elou vo Baṉara ko vilu kasa, ni vota maba pui opa nozuekou ko vaini ko ju ni piza kama ju, melai Tabu ala Auvana ta ovai sukatou vo puliako vo alilo.

Luke 1:41

Ni so keru Ilizabeti ko viqa keru Mere ko zoleilo sama pesio, vo meqora ta o matu bokilikake koko siapa. Ni Tabu ala Auvana ta okai sukatake ko Ilizabeti,

Luke 1:67

Nio Jone vo mama Zekaraia ta ovai sukatake vo Tabu ala Auvana ni o pidokatake, ni eri kiolake,

Luke 12:12

Ako vo Tabu ala Auvana inio o melati vakakukou koa taku so me kimevo avo sole,” kiolake.

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Luke 4:1

Nio vo Jisu ta o vaitake Jodani sukuru kale azo ovai sukateni vo Tabu ala Auvana, ni voa Auvana ta o odievake vo ni o vati olake lealea kama zaekale.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 20:22

Vota so kiolake saita inio omai kozatake se, ni eri ma kiolake, “Vomo vo Tabu ala Auvana.

Iruruputo 1:5

Jone ta o bapitaiso pute jukale, melai puliako tu keu meta me bapitaiso puilou Tabu ala Auvana kale,” kiolake.

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 10:46

Ako seta keta ma viqake seko kai pesio ko edoedoloma pesio poso ni seko rauraevo vo Baṉara sole. Nio Pita ta o pesiake ni eri kiolake,

Iruruputo 10:47

“Nia maba poso ta lula ke voa vo Tabu ala Auvana omadeuvo anime lula me voa jari. Sole puliala ta opa roveovou dokolimo se seko jukale ama bapitaiso elo kale,” kiolake.

Iruruputo 11:15

Ni so keru aṉa a danite keru pesio inio vo Tabu ala Auvana ta omai saqorake se omadeuvo kuleto anime o melai saqore jari.

Iruruputo 11:24

Banabasi ta kala uri ala maba, vota piza kama oqu sala ni ovai sukatani vo Tabu ala Auvana ni so inio o lilimake kubo madu vo Lekasa kasi.

Iruruputo 13:52

Ni se Anitioko ama maba poso seke tuvevo putani ta keta matu zoleivake ni omai sukatake vo Tabu ala Auvana.

Iruruputo 13:9

Nio Saula, vo Paula ṉi o koeni, ta kovai sukatake vo Tabu ala Auvana ko pizato ni vota o toiritoirivake voa maba kakokakoto ko iruruputo o erekani,

Iruruputo 15:8

Ni vo Baṉara vo okai nianiiani maba ko kerukeru, ta kasa oma ike se pui Jiu amu voko mai zoleilo se, ako vota o katimake sole se vovo Tabu ala Auvana, omadeuvo vo o katimele anime Jiua mela jari.

Iruruputo 19:6

Ni Paula ta omai ivikake voko ṉase ni vo Tabu ala Auvana ta o saqorake se tona, ni seta ke pesipesitake edoedoloma pesio kale ni kekai bazubazutake vo Baṉara ko bazu voa Auvana mai avozio kale.

Iruruputo 2:11

Jiu amu melai, pui Jiu amu seke luluekani Jiu amu ko lotu melai, ni kake mela anime ta Kiriti ni Arebia azo—melai animea kiada mela ta mebe tama viqa se kekai bazubazutake quli me navinavi ko maba pesio kale koa matuma quli vo Baṉara o erekako!” kikelake.

Iruruputo 2:3

Ni seta ke keake uza jari ama quli, lenio poso jaria kelo ama, ni koa lenio poso ta komai okotake mai sato kiadamu sea maba poso.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Iruruputo 4:8

Sai nio vo Tabu ala Auvana ko pizato ta kovai sukatake vo Pita, ni eri ma kiolake, “Me Izireli qoqono ko vilua pikopiko ni lotu lekasa poso mela!

Iruruputo 6:3

So sole lolo poso meta pitoemomo sikeura maba madu me ṉavi kasi amu, se me memai nianiiani komai sukato amu vo Tabu ala Auvana ni Baṉara ko nianiio, ni eṉeta ṉe qatimou se koa iruruputo.

Iruruputo 6:5

Nio koa pado ama poqala kale ama maba poso ta keka zoleike se apositolo madu ko kerukeru, so sole seta ke pitoevake vo Sitiveni, vo Tabu ala Auvana ovai sukatani ni piza kama oqu sala maba, ni Pilipi, Porokorasi, Nikano, Timoni, Pamenasi, ni Nikolasi kala pui Jiu ala, Anitioko ala Jiu lotu o luluekeni puliako tuvevo puevo vo Jisu.

Iruruputo 6:8

Nio voa Sitiveni, vo Tabu ala Auvana ko pizato kovai sukatani ni Baṉara ko mauruto sala maba, ta o erekake matu piza kama ni aqasiele ama iruruputo maba poso kasi.

Iruruputo 7:55

Melai Sitiveni, vo ovai sukatani vo Tabu ala Auvana, ta o tadatake aukale ni o keake vo Baṉara ko ṉaṉaidara ni Jisu vo obeta lojoani Baṉara ko palo rana vasi.

Iruruputo 8:17

Nio Pita ni Jone ta qomai ivikake nioqako ṉase se tona, ni ke voake vo Tabu ala Auvana.

Iruruputo 9:17

So sole vo Ananaiasi ta o olake ni o amaqeake sai Saula o evakoi, ni vota ovai ivikake voko ṉase vo tona ni eri kiolake, “Baerebaere Saula, vo Lekasa ta o soroelala aṉa, vo Jisu, vo oṉai puratalani ṉo keve tona so keru ṉoṉo quela keru koi. Vo inio vo o soroelalani aṉa tu ṉota mata ṉo qeazatou ni oṉai sukatou vo Tabu ala Auvana,” kiolake.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

1 Koriniti 12:10

Vota o kativa mata kala maba aqasiele ama iruruputo ko pizato, ni mata kala ta o kativa vo Baṉara kasi azo ama bazu poso kai pesio ko pizato, ni mata kala ta o kativa ko pizato tu o nianiieko ko soama bazu poso ta Tabu ala Auvana kasi azo ko kuevako ma ziolo kasi azo ko kuevako kio. Mata kala ta o kativa kai bazuto ko pui okai nianiiako pesio poso ko pizato, ni mata kala ta o kativa ko pizato tu o rupasiko ko lula ko kaseivako koa pesio poso kale.

1 Koriniti 13:1

Esa aṉata a roveovou tu kai pesio se maba madu ni mateana madu ko pesio, melai puliama aṉako roquano tea, aṉata omadeuvo ko ota kama belo ko kelakelato jari nio.

1 Koriniti 13:8

Roquano ta noqola kama. Melai komia kiadama quli ta kota paitou, koa pidokato ko bazu poso ni koa edoloma vekalo pesio kai pesio ko pizato, ni nianiio.

1 Koriniti 14:18

Aṉata a ilusiva vo Baṉara ako aṉata a melai paloasa mea kiada mela kai pesio koa pui ko paqumuako pesio sole.

1 Koriniti 14:5

Aṉata a mela zaria mea kiada mela tu meta me besiovou koa pui meqai nianiiako pesio kale, melai aṉako matuma zario ta meta me qovou koa pizato vo Baṉara kasi azo ama bazu kai bazuto ko. Voa maba vo okai pesiani ko pui ko paqumuako pesio pui o pepelikou koa pesio kikolani, tu koa pado ama lotu qoqono ta ko tauveilo, nio voa maba vo o kasekani vo Baṉara kasi azo ama bazu ta obe vai qulepa vo.

Epesasi 3:19

Ako vo Karisito ko roquano ta aqasiele ama ni palopaloasi ama, ni maba poso ta pui ke rovea paqumuko ko. Melai aṉata a melati vararaita me tu meta meqai nianiiovou koa voko matu aqasiele ama roquano, tu meta me jukatou vo Baṉara ko saevo kale.

Epesasi 5:18

Ni meta pui doilili kai elo ko piza kama ju. Ako ko doilili elo ta ko niumaemelou me sole. Melai meta sukatomo Tabu ala Auvana kale.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

2 Pita 1:21

Ako puliama se poropita madu ko bazu ikio kopa utu erei vo maba ko vatolo kale. Melai sea maba poso seke odiziani Tabu ala Auvana kale inio kekai pesiake vo Baṉara ko bazu.