Iruruputo 17:1 - BAṈARA KO VAIRU AMA LEVELEVEO

¹ Ni Paula ni Sailasi ta qo olake Amipipolosi ni Apolonia kude ni qo baroake Tesalonaika, sai kala Jiu amu vo ilusato ko pade o evakoi.

Iruruputo 17:1 Σταυροειδείς Αναφορές

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 15:21

Ako vo Mosese ko Bazu ta lula ko tiromiovi matu lulavo azo ti kobeta baroa vairutu Jiu amu ko ilusato ko pade poso kale kiadama Sabati ṉaniu kale, ni vo kiolani ta kekai bazubazuta kiadama peuru kale sole,” kiolake.

Iruruputo 16:13

Ni kala Sabati ṉaniu kale inio eṉeta ṉeda saqorake koa peuru ko veutu kale kude ni ṉeda olake kala orori ko kama rana, sai eṉe ṉe qerukeruekekoi ta koa zae ta kama pado zae sai Jiu amu ke roveakoi padoilo vararaitole. Eṉeta ṉe bapuake ni ṉe mati pesipesitake sea rekoreko poso se sai ke padoini vararaitole.

Iruruputo 17:10

Nio koa ipu inio seke tuvevo putani ta ke soroekake Paula ni Sailasi Berea peuru kale, ni so keru nioqa qo baroa keru sai, nioqata qo amaqeake se Jiu amu ko ilusato ko pade kale.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Iruruputo 17:13

Ni so keru se Tesalonaika ke evani Jiu amu ke viqa keru Paula kai bazubazuto vo Baṉara ko bazubazu Berea peuru kale, seta ke olake sai ni ke taniekake ṉavaṉavato ni lilomato.

Iruruputo 20:4

Ni Sopata Pirasi vo meqora Berea ala ta o luluevake vo, ni so jari Arisitakasi ni Sekadasi Tesalonaika nioqa; Qaiasi ni Timoti Debia nioqa; ni Tikikasi ni Toropimasi ta Eisia rana nioqa.

Iruruputo 27:2

Ni eṉeta ṉe zazuake kala Adaramitiumi vaka topi vo o zio kiolani Eisiama keta kale ama peuru poso kale, ni eṉeta ṉe dadaovake. Ni Arisitakasi, kala Masedoniala maba Tesalonaika peuru kale ala ta o lulueṉelake eṉe.

Pilipai 4:16

Ni kama taku ta me inio me joroeka ko quli aṉa aqai zariako quli so keru aṉa a eve keru Tesalonaika.

1 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko madu mela ni animevo Lekasa Jisu Karisito ko madu mela kasi. Ni aṉata a vararaita tu vo Baṉara ko roquano ni bule ta ko elou me tona.

1 Tesalonaika 2:2

Meta meqai nianiia ko eṉeko niumaniumaeṉelo ni naqueṉelo Pilipai peuru kale puliako eṉe kilo sai mekasi Tesalonaika peuru kale. Ni sai meko peuru kale melai kubo maba poso ta ke kanaekiṉele eṉe, melai vo animevo Baṉara ta o parani pueṉelake eṉe ni eṉeta ṉe melai bazuekake me koa Uri ama Bazu koko kuevako vokasi azo.

2 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko maba madu mela ni Lekasa Jisu Karisito ko maba madu mela kasi.

2 Timoti 4:10

Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.