Iruruputo 16:25 - BAṈARA KO VAIRU AMA LEVELEVEO

²⁵ Nio ipu tiania vasi inio Paula ni Sailasi ta qo vararaitake ni qokai keraoke kama lotu kera Baṉara kasi, ni koa pirito pade kale amu ta keta ka didiekake ko.

Iruruputo 16:25 Σταυροειδείς Αναφορές

Luke 22:44

Ni vo Jisu ta matu upotuqu ota evake sole o matu vararaitake ni voko kuvakuva ta dara jaria rereo ko evake miduku topi.

Iruruputo 15:22

Nio se apositolo madu ni se lotu tanatanamu ta ke padoivake koa pado ama lotu qoqono sate, ni ke pitoemake kake maba poso koa poqala kale azo tu seta ke soroemo se Anitioko Paula ni Banabasi sate kikelake sole. Ni seta ke pitoekake omuqa maba kidi sea lotu qoqono keta ka matu paṉaovani nioqa, Jiudasi, vo Basabasi va kikelani, ni Sailasi,

Iruruputo 16:19

Ni so keru koko lekasa poso ke paqumuka keru se takula kekai koako keve ko paito, seta ke saputikake Paula ni Sailasi ni seta ke rajaekake nioqa maketi ko zaekale tanatanamu ko tanama kale.

Iruruputo 16:33

Ni koa taku kale koa ipu inio vo pirito pade o kati vailani ta o odiekake nioqa ni ota ka pusaekake nioqa ko tabi, ni vo ni kiadamu voko pade kale ke evani ta maba koa taku kale inio bapitaiso keta evake.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Romu 5:3

Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

Epesasi 5:19

Ni me ṉavio kude meta kai pesimo ko Tabu ama Riki kale ama kera, ni kai keraomo ko lotu kera tu ilusivomo animevo Lekasa meko bulo kale.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Hiburu 5:7

So keru Jisu obeta saeve keru miduku kale vota o ereke voko paseto sama vararaito matuma kora kale ni deumu sase Baṉara kasi, tu vota o pakievo vo voukale azo. Baṉara ta ota va viqake voko vararaito ako vota o zarazaraivani ni ota va panaovani vo Baṉara sole.

Jemisi 1:2

A lolo poso mela, meta zoleimo so keru kiadama tapata poso ko barou keru mekasi,

Jemisi 5:13

Esa kala me azo ta obeta eva tapata kale, vota o vararaitou. Esa kala ta zolezole ala, vota okai keraovou ko ilusato ko kera poso.

1 Pita 4:14

Ni so keru se maba poso ke ruqe kasemelou keru me, meko luluevo vo Karisito ko kio kale avo, ta meta maurumaurua mela. Ako ko ikio tuvevo ko ika ko vo ṉaṉaidara kala Auvana Baṉara vo ta obeta eva me tona kio sole.