Iruruputo 15:41 - BAṈARA KO VAIRU AMA LEVELEVEO

⁴¹ Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Iruruputo 15:41 Σταυροειδείς Αναφορές

Matiu 4:24

So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 15:32

Ni Jiudasi ni Sailasi ta poropita kidi nio rosi ama taku kale qo kasekani nioqa sekasi ko zuvarato ni pizatimo ko bazubazu.

Iruruputo 18:18

Ni Paula ta o evake seke tuvevo putani sase matu kubo ṉaniu Koriniti peuru kale, ni koko tova vota o vaemake se ni ota zazuake kala tepe vaka topi tu o vaito Siria. Ni Pirisila ni Akuila melai qo luluevake vo. Vo Paula ta lula ota tabutabui voko pui kobueko kale voko tou, ni kota kobeta okote voko tabutabuo ko taku, so sole puliako tadao vaka kale Senikeria azo vota mata o kobuekake ko.

Iruruputo 21:3

Ne baroake sai Saipirasi udu ṉebe roveakoi kelo, ti udu ko palo rana vasia pakeo ṉe evake Siria. Ni eṉeta ṉe vikuake Taea, sai voa vaka o saqoratakoi ko lomaloma.

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Qelesia 1:21

Ni koko tova inio aṉata a olake Siria ni Silisia rana.