Iruruputo 13:14 - BAṈARA KO VAIRU AMA LEVELEVEO

¹⁴ Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 13:14 Σταυροειδείς Αναφορές

Luke 4:16

Ni Jisu ta o olake Nazareti peuru kale, sai voko rusu keru o evekoi, ni vota o olake Sabati ṉaniu kale ilusato ko pade kale kiada keru obeta kavani. Ni vota o lojoake sai tu o tiromiko ko Tabu ama Riki,

Iruruputo 13:42

So keru Paula ni Banabasi qo vaeke keru se Jiu amu ko ilusato ko pade saizama maba poso ta ke taipazikake nioqa tu nioqata qo vaitou mata koko tovama Sabati ṉaniu kale tu nioqata qopa kai bazutou mata kama quli koa bazu kikolani.

Iruruputo 13:44

Ni koko tovala Sabati keru ta sipole sea kiadamu koa matu peuru kale amu ta ke kuevake viqole vo Baṉara ko bazubazu.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 13:5

Ni so keru nioqa qo varerike keru Salamisi peuru kale inio nioqata qokai bazubazutake vo Baṉara ko bazubazu saizama Jiu amu ko ilusato ko pade poso kale. Ni nioqata qo vati keve vo Jone Maka tu vota o tauvezato koa iruruputo kale.

Iruruputo 14:19

Ni kake Jiu amu ke kuevini Pisidia rana ma Anitioko azo ni Aikoniami azo ta kemai titiake sea matuma vaki tu seta seko rana ke elo, ni seta ke taivake vo Paula lado kale ni ke rajaevake ni ke ṉamuvake peuru ko kupekupe ni ke vaevake sai lula ota vouva kikelake sole.

Iruruputo 16:13

Ni kala Sabati ṉaniu kale inio eṉeta ṉeda saqorake koa peuru ko veutu kale kude ni ṉeda olake kala orori ko kama rana, sai eṉe ṉe qerukeruekekoi ta koa zae ta kama pado zae sai Jiu amu ke roveakoi padoilo vararaitole. Eṉeta ṉe bapuake ni ṉe mati pesipesitake sea rekoreko poso se sai ke padoini vararaitole.

Iruruputo 17:2

Voko kalo sole Paula ta o olake ilusato ko pade kale. Ni zouke Sabati ṉaniu kale vota okai pesipesitake ko Tabu ama Riki,

Iruruputo 18:4

Ni vota o bazubazutake Jiu amu ko ilusato ko pade kiadama Sabati ṉaniu poso kale tu o madoeko lilimo se Jiu amu ni se sai ke lotumatani Quriki amu.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 9:20

Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

2 Timoti 3:11

aṉako toraeko ko naqunaquto ni aṉako tolailo sama upotuqu. Ṉota ṉobe paqumuka kiadama koko ereima quli aṉa kasi sai Anitioko, Aikoniami, ni sai Lisitara peuru poso kale, koa matu ruqe ama niumaniumato poso ko aṉa ko tolaelema! Melai vo Lekasa Jisu ta o pakiele aṉa koa kiadama tapata poso kale azo.