Iruruputo 12:4 - BAṈARA KO VAIRU AMA LEVELEVEO

⁴ Vota o noqoevake vo Pita ni o vaevake pirito pade kale, ni vota o vaevake toni varimuja solodia ko vailo kale. Ni seta ariku poqala ke evake ariariku solodia madu sama ni koa poqala poso ta ko besibesiekiniake vati vailo vo Pita. Herodi ta ova zariake vo tu o titizivo vo vaki ale koa Alokato ko ṉojola ko tova.

Iruruputo 12:4 Σταυροειδείς Αναφορές

Matiu 24:9

“Ni koa taku kale inio maba poso ta ke noqoemelou ni ke tolaemelou ni ke vouvaemelou me, ni kiadama maba madu ta ke melai kaikuapou, ako meta aṉa me luluelani mela sole.

Matiu 26:5

Melai seta mata eri kikelake, “Animeta pui me noqoevou vo koa matuma ṉaniu kale, ako pui uri tu matu kubo maba poso ta ke melai korakorailo anime ni ke erekou ko riṉoteṉote sole,” kikelake.

Maka 14:1

Ni omuqa ṉaniu ta ikoana ti Alokato ni Isiti pide ama Bereti ko Ṉojola ikio. Ni se raura kama siama madu ni se Mosese ko Bazu kekai nianiiekatani ta ke erekake ko korokorotato tu ke noqoevo vo Jisu moizavole ni ke vouvaevo kikelake.

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Luke 22:33

Ni Pita ta o opatake ni eri kiolake, “Lekasa, aṉata lula a inainaova tu a zio pirito pade kale ṉo sase ni a vou ṉo sase!”

Jone 19:23

Ni se pazokinio ko maba poso ko patoevo vo Jisu korosi topi ko tova vasi, seta keta vai daisimatake voko suma ni ariku pitasa ke ikake, ni kekai okotake ṉeamuko ko sea pazokinio ko maba poso. Ni so jari seta keta va koake ko rosia sabosabo, kota paqupaquli pide ama, omadeu pala.

Jone 21:18

Tuvevo avole aṉata a bazueṉa ṉo, so keru ṉo vairua laṉa keru ṉota ṉo qiake ṉo ṉavi ṉoko sabosabo ni ṉota ṉo lipilipite ni ṉo qeve sai ṉo ṉoqa zariovikoi zio, melai so keru ṉoṉo qolekou keru ṉota ṉo dotozikou ṉoko ṉase ni edolola maba ta o saboeṉou ṉo ni o odieṉou ṉo ni o ṉati ziovou sai ṉo pui ṉoqa zariovoa koi zio,” kiolake.

Iruruputo 12:3

Ni vota o keake ta koa iruruputo ta ko zolemake se Jiu amu, so sole vota mata o noqoevake vo Pita. Komi quli ta ko ereivake isiti pide ama bereti ko ṉojola ko taku keru.

Iruruputo 12:5

So sole Pita ta obeta evake pirito pade kale, melai se lotu maba poso ta pui ke lalamatake vati matu vararaito vo Baṉara kasi.

Iruruputo 4:28

Seta ke erekake kiadama korokorotato ko ṉo lula ṉo vatoekema ṉoko pizato ni vatolo kale tu kota ko ereilou.

Iruruputo 4:3

So sole seta ke noqoekake nioqa ni ke vaekake pirito pade kale ti kokai baroake koko raneo kale ama ṉaniu, ako koa taku ta lula matu raisiraisi kota evake sole.

Iruruputo 5:18

Nio seta ke noqoemake se apositolo madu ni ke vaemake pirito pade kale.

Iruruputo 8:3

Melai Saula ta o madoekake tu niumaeko ko lotu qoqono, so sole vota pade azo pade o kavake ni rajarajaemole o saqorimake seke tuvevo putani reko ni lasive, ni o saputimake pirito pade kale.