Iruruputo 11:3 - BAṈARA KO VAIRU AMA LEVELEVEO

³ “Ṉota kala pado maba ṉa ṉo joipimeni ṉa se pui ke moveivani pui Jiu amu ni ṉo zomaneni ṉa vuato se sate!” kikelake.

Iruruputo 11:3 Σταυροειδείς Αναφορές

Matiu 9:11

Nio kake se Parese madu ta ke keake ko quli, ni ke kuimaemake voko disaipeli madu, ni eri kikelake, “Noi sole inio mevo tanala ta o mati vuata nia maba poso se takisi ke koani ni se ruqe amu?” kikelake.

Luke 15:2

nio se Parese madu ni se Mosese ko Bazu kekai nianiiekatani ta ke taniekake ṉuruṉuruo ni eri kikelake, “Nea maba ta o baroekima se ruqe ama maba madu ni o mati palaita se!” kikelake.

Jone 18:28

Ni seta ke vati olake vo Jisu Kaepasi ko pade kasi azo Romu ala Qavuna, vo Paelati ko matu pade kasi. Koa taku ta omadeu lekito, nio se Jiu amu ta pui ke amaqeake voa Qavuna ko pade kale, ako vota pui Jiu ala ni seta Jiu amu sole, ako seta keka zariake tu bulebule amu ke roveo kuo ko Alokato ko ṉojola ko sailao koa ṉaniu kale ama kikelake sole.

Iruruputo 10:23

So sole Pita ta o pasemake se tu seta ke raneovou sai kiolake. Nio koko raneo kale inio vota o inainaoke ni vota o olake se sate, ni kake se Jopa peuru kale ke evani ke tuvevo putani melai ke luluevake vo.

Iruruputo 10:28

Nio vota eri kiolake sekasi, “Meta meqai matu uria nianiia ta eṉea Jiua ṉela ta pui ko zarieṉela eṉeko lotu bazu tu eṉeta omadeu ṉe melati elou ni ṉe joipimelou me pui Jiu amu mela kio. Melai vo Baṉara ta lula kasa ola ika aṉa tu aṉata pui a qerukeruemelo me koa bazu ko lulueko kale tu aṉata meta tabu tu melati lolopareo me mela kiavo.

Iruruputo 10:32

Soroema kake Jopa peuru kale Saimone Pita o ṉi sala maba odievole. Vota kala maba o mamazani Saimone ko pade kasi bulumakau ko tupu o pidakikani, vo ivere ketaketa o evani.’

Iruruputo 10:48

So sole vota o bazuemake se tu seta bapitaiso ke elo Jisu Karisito ko ṉikale. Ni seta kevai titiake vo tu vota o elo sekasi kama poso ṉaniu tiniavo, ni vota so o kae.

1 Koriniti 5:11

Ko aṉa a qasekema quli aṉako leta kale mekasi ta meta pui me vati baerebaereovou kala vo eri kiovo ala, “Aṉa inio meko lotu tamania kalea lala,” kiovo ala maba melai vota pauvezato ma ruqeruqeto ko maba inio, ma viluloqu o evani, ma beku o ilusikani, ma maba okai ruqe pesiani, ma saposapoito ko maba, ma kuilokuilo ala. Meta maba pui me zomanou vuato soala maba sase.

Qelesia 2:12

Ako eri nio o kae sole. So keru Pita kuleto o kuevi keru Anitioko, vota o mati vuatake se pui Jiu ama lotu maba poso, puliako Jemisi o soroemeni Jiu ama maba poso barolo. Ni so keru sea maba poso ke baroa keru, vota ota epezake mata vuato se pui Jiu ama maba poso sase ni ota pitasiake sekasi azo. Ako vota ota ma ṉake sole se Jiu amu se kekai zariani kiadama pui Jiu ama lotu maba madu tu ke movemou.

2 Jone 1:10

Ni kala maba ta o kilou mekasi, ni okai nianiiekatou edoloma nianiiekato, pui vo Karisito ko nianiiekato jari ama, ta pui me zarievou tu o kilou meko pade kasi, ni pui me baroekivou vo.