Iruruputo 11:13 - BAṈARA KO VAIRU AMA LEVELEVEO

¹³ Ni vota o ṉelai bazuevake vo mateana vo o veveni vo obeta lojeni voko pade kale, vo eri kioveni vokasi, ‘Kake soroema Jopa peuru kale tu kepa odievo vo Saimone Pita o ṉi sala maba.

Iruruputo 11:13 Σταυροειδείς Αναφορές

Iruruputo 10:22

Nio seta eri kikelake, “Vo sirula Koniliasi inio o soroeṉelalani eṉe. Vota kala sidopu ala maba ni o ilusivani vo Baṉara ni se Jiu amu keta va matu paṉaovani maba. Vo Baṉara vo mateana ta o bazuevala vo tu vota o taipaziṉo ṉo voko pade kasi, tu vota o roveovou viqo ṉo kiṉovo avo,” kikelake.

Iruruputo 11:12

Ni vo Tabu ala Auvana ta o bazuelake aṉa tu aṉata niuniala pide a luluemou se. So sole nia varimuja lotu maba madu Jopa peuru kale amu ni aṉa ta ṉe olake Sizaria peuru kale ni ṉe amaqeake Koniliasi ko pade kale.

Iruruputo 11:14

Vo inio o rukueko ala koa pesio ṉokasi koko pakieṉo ama ṉo ni ṉoko pado ama saidi ko pakiemo ama,’ kiolake.

Iruruputo 12:11

Ni so keru pado inio Pita ta o paqumukake ko quli ko ereima vokasi, so sole eri kiolake, “Erisaṉa aṉata a baqumuka ta kota matu tuvevo! Vo Baṉara inio o soroevala vovo mateana tu o pakielo aṉa Herodi ni kiadama quli se Jiu amu kelai ereko aṉa ka kikelako quli kale azo,” kiolake.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Iruruputo 9:38

Nio Jopa ta pui vaṉa Lida azo, ni seke tuvevo putani ta ke viqake ta Pita ta Lida inio kio, so sole seta ke soroekake omuqa maba vokasi bazu sate eri kikolako, “Eṉeta ṉe baseṉa tu taukavole kua koi eṉe kasi,” kikolako.

Iruruputo 9:42

Ni koa bazu ta kota aerake Jopa peuru kale, ni matu kubo maba madu ta ke tuvevo puevake vo Lekasa.

Iruruputo 9:43

Ni Pita ta o loivake Jopa peuru kale matu kubo ṉaniu Saimone kasi bulumakau ko tupu o pidakikani.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.