Iruruputo 10:23 - BAṈARA KO VAIRU AMA LEVELEVEO

²³ So sole Pita ta o pasemake se tu seta ke raneovou sai kiolake. Nio koko raneo kale inio vota o inainaoke ni vota o olake se sate, ni kake se Jopa peuru kale ke evani ke tuvevo putani melai ke luluevake vo.

Iruruputo 10:23 Σταυροειδείς Αναφορές

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 10:29

Sokale avo inio so keru meme odiele keru aṉa tu a qilo koi ta pui aba ereke kama lupao sama pesio. So sole aṉata a quimaemela me, noni kale avo inio meta me odiela aṉa koi?” kiolake.

Iruruputo 10:33

So sole aṉata a joroemala se ṉokasi maba koa taku kale, ni matu uri ṉota ṉo rovela kilo. Nio erisaṉa ta eṉea kiada ṉela ta ṉebeta eva koi vo Baṉara ko tanama kale ṉebe tareka tu ṉe viqo ko quli vo lula oṉai bazuekako ṉo tu ṉo ṉelai bazuekou eṉe,” kiolake.

Iruruputo 10:45

Ni se Jiu amu seke tuvevo putani seke kuevini Jopa peuru kale azo Pita sate ta matu aqasiele kekai evake vo Baṉara ko katimo se pui Jiu amu melai voko Tabu ama Auvana.

Iruruputo 11:12

Ni vo Tabu ala Auvana ta o bazuelake aṉa tu aṉata niuniala pide a luluemou se. So sole nia varimuja lotu maba madu Jopa peuru kale amu ni aṉa ta ṉe olake Sizaria peuru kale ni ṉe amaqeake Koniliasi ko pade kale.

Iruruputo 28:15

Ni se Romu ama lotu maba poso keta ṉela viqake ta eṉeta sipole ṉeda barolou sai kio, nio kake seta ke kuevake Apiasi maketi ko evakoi ni kake ta Zouke Mamazopade ka kikelako zaekale sai kepa toraeṉelake. Ni so keru Paula o mea keru se vota o ilusivake vo Baṉara ni ota matu zaubariake.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Iruruputo 9:38

Nio Jopa ta pui vaṉa Lida azo, ni seke tuvevo putani ta ke viqake ta Pita ta Lida inio kio, so sole seta ke soroekake omuqa maba vokasi bazu sate eri kikolako, “Eṉeta ṉe baseṉa tu taukavole kua koi eṉe kasi,” kikolako.

Iruruputo 9:42

Ni koa bazu ta kota aerake Jopa peuru kale, ni matu kubo maba madu ta ke tuvevo puevake vo Lekasa.

2 Koriniti 8:21

Eṉeko zario ta ṉe ereko ko sidopu, pui vo Baṉara ko vilu kasa ko kiada, melai so jari maba ko vilu kasa.

Hiburu 13:2

Kerukerutomo tu meta baroekimomo se edolomu meko peuru kale, se puju ama taku me sase ke elo amu. Ako so keru kake maba madu ke ereke keru koa keve, seta ke tauvemake kake mateana madu, puliako nianiieme se.

1 Pita 4:9

Ni meta baroekiniomo me ṉavio kude meko pade kale puliama ṉuruṉuruo sate.