Iruruputo 10:2 - BAṈARA KO VAIRU AMA LEVELEVEO

² Vota kala vararaito ko maba; vo ni voko pado ama saidi ta ke ilusivani vo Baṉara. Vo melai o matu tauvemani se Jiu ama ozaoza kama maba poso, ni vo pui o lalamatani vararaito Baṉara kasi.

Iruruputo 10:2 Σταυροειδείς Αναφορές

Matiu 25:17

Omadeuvo jari voa nabulu vo o kativeni omuqa vuro takula vota mata o koake kama omuqa vuro takula.

Luke 18:1

Jisu ta omai bazuekake voko disaipeli madu kama pado podepodeti tu o nianiiekimo tu seta ke vararaito kiada keru, ni pui niaba ke elou.

Luke 2:25

Ni inovoana kala pado maba vo obeta evani sai Jerusalema o ṉi ta Simeoni. Vota kala sidopu ala maba ni ovai oquani vo Baṉara, ni o tarevani Izireli vo Pakio. Vo Tabu ala Auvana ta ovai evake vo,

Iruruputo 10:22

Nio seta eri kikelake, “Vo sirula Koniliasi inio o soroeṉelalani eṉe. Vota kala sidopu ala maba ni o ilusivani vo Baṉara ni se Jiu amu keta va matu paṉaovani maba. Vo Baṉara vo mateana ta o bazuevala vo tu vota o taipaziṉo ṉo voko pade kasi, tu vota o roveovou viqo ṉo kiṉovo avo,” kikelake.

Iruruputo 10:31

ni eri kiolala, ‘Koniliasi! Baṉara ta ota ṉa viqala ṉoko vararaito ni vota ota ṉa keala ṉoko puaropuaro sama iruruputo se ozaoza kamu kasi.

Iruruputo 10:35

Seke ilusivani vo ni sidopu ke erekani ta o roquema azaazama qoqono maba poso.

Iruruputo 10:4

Nio vota o toiritoirivake voa mateana ni voko ṉalo sate vota eri kiolake, “Loma ikio, tanala?” kiolake. Nio vo mateana ta o vati tiorikake vo ni eri kiolake, “Vo Baṉara ta oka zoleiva ṉoko vararaito ni ṉoko tauvezato sama iruruputo, ni vota o kerukerueṉa ṉo.

Iruruputo 10:7

Ni vo mateana ta ota olake, nio Koniliasi ta o nokaekake omuqa voko nabulu kidi ni kala vovo pazokinio ko maba vota kala vararaito ko maba, voko matu sipole o iruruputani.

Iruruputo 11:14

Vo inio o rukueko ala koa pesio ṉokasi koko pakieṉo ama ṉo ni ṉoko pado ama saidi ko pakiemo ama,’ kiolake.

Iruruputo 13:16

Nio Paula ta o lojoake ni o zolaekake voko ṉase, ni o taniekake pesio, ni eri kiolake: “Me Izireli amu mela ni kiadama me pui Jiu amu mela me koi me evani mela ni me ilusivani mela vo Baṉara, meta didielomo aṉa!

Iruruputo 13:26

“Aṉako mabamu mela me Izireli amu mela, vo Ebarahami ko vikuvikula kalea mela, ni kiadama pui Jiu amu mela meme ilusivani mela vo Baṉara: anime kasi inio ko soroi komia pakiezato ko bazu!

Iruruputo 13:50

Melai se Jiu amu ta ke jituemake se koa Pisidiama Anitioko peuru kale ama tanatanamu ni so jari se pui Jiu ama matuma rekoreko poso seke ilusivani vo Baṉara Jiu amu sase. Ni sea matuma maba poso ta ke taniekake naqueko Paula ni Banabasi ni seta ke butuekake nioqa Pisidia ranama peuru poso kale azo.

Iruruputo 18:8

Ni Kurisipasi koa Jiu amu ko ilusato ko pade vilua pikopiko ota kai evani, ni kiadama voko saidi ta keta tuvevo puevake vo Lekasa Jisu, ni matu kubo Koriniti ke evani maba poso seke viqeni ko Uri ama Bazu, ta keta tuvevo putake, ni bapitaiso keta evake.

Iruruputo 2:5

Ni kake Jiu amu ta inisiana Jerusalema ke eveni, Jiu amu ko lotu ko piza kama maba poso seke kuevini sipole kiadama peuru ma peuru kale azo.

Iruruputo 22:12

“Ni koa peuru kale ta inevoana kala maba o ṉi ta Ananaiasi, vota kala maba vo o ilusivani vo Baṉara ni o matu zorikani animeko Bazu, ni keta va matu paṉaovani kiadama Jiu amu sai ke evani.

Iruruputo 8:2

Nio kake lotu maba poso inio ke mutavake vo Sitiveni, seta duki keva evake seko matuma zialo sate.

Iruruputo 9:11

Nio vo Lekasa ta eri kiolake vokasi, “Inainaovi ni lulueka ko keve Sidopu ama Keve kekai nokaekako, ni Jiudasi ko pade kasi nio ṉova kuimanaovou vo Tasisi ala maba Saula o ṉi sala. Vota obeta vararaita,

Iruruputo 9:31

Ni kiadama Jiudia, ni Qalili, ni Sameria peuru poso kale ko evako lotu qoqono ta bule ke evake koa taku keru azo. Vo Tabu ala Auvana ko tauvezato kale seta ke pizatake ni kubo ke evake, ni seta ke evake vo Lekasa tava paṉao kale.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Kolosi 4:2

Pui lalamato vararaito vo Baṉara kasi meko zakaremu ama kerukeru kale, ni meta kativomo meko uriavo vo Baṉara.

1 Tesalonaika 5:17

vararaitomo kiadama taku poso kale,

Jemisi 1:5

Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

Kelokelozato 15:4

Lala inio pui opa taṉa panaovou, Baṉara? Lala inio ota ka lupaovou taṉa kaseko ṉoko naizato? Puliala! Ṉo tisoiko ṉo qiada Tabua laṉa. Kiadama toutou poso ta ke kilou ilusatole ṉoko taqo kale ako kiadamu ta lula ke kea ta ṉoko iruruputo ta sidopu ama sole.”