Hiburu 3:3 - BAṈARA KO VAIRU AMA LEVELEVEO

³ Vo Baṉara ko qoqono ta omadeuvo kala pade jari. Vo maba o erevani kala pade ta matu raura kala vo o erekako pade kasi azo. Omadeuvo so jari inio Jisu ta o male matu raurailo Mosese azo.

Hiburu 3:3 Σταυροειδείς Αναφορές

Matiu 16:18

“So sole aṉata a bazueṉa ṉo, Pita, ṉoko ṉi ko kio ni kalo ta lado ikio, ni omadeuvo kala ta o orumuka voko pade lado ko vola topi, so jari nio aṉata a orumukou aṉako lotu ṉo topi, ni vou melai pui kopa niumaekou.

1 Koriniti 3:9

Ako eqeta omadeu vati iruruputo qe vati evani qela vo Baṉara, ni me inio vo Baṉara ko matoa mela. Ni meta mata vo Baṉara ko pade o orumumelani mela inio.

2 Koriniti 3:7

Vo Baṉara ta o rikieke koa Bazu ko pesio poso lesa lado topi ni o kativake vo Mosese. Ni vo Baṉara ko ṉaṉaidara ta ko puratake so keru koa Bazu ko katiziovi keru, ti vo Mosese ko loilo topi melai kota kapikapitake. Kota matu simanamana kama sole se Izireli amu ta pui keta va toiritoirikake voko loilo. Melai koa simanamana ta pui tu ko keuvake. Nio koa vou sama Bazu ta ko kuevi koa ṉaṉaidara sase,

Kolosi 1:18

Vo inio koko lezu voko lotu qoqono, ni vo inio koko raki koko saevo, vo inio vo kuleto ala vo o saeveni voukale azo, tu vo o kiada ta raura o elo kiadama quli kale azo.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.

Hiburu 3:4

Ako matu tuvevo, kiadama pade poso ta maba ikio ko ereka, melai Baṉara o kiada inio o erekeni kiadama quli.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.