Hiburu 2:3 - BAṈARA KO VAIRU AMA LEVELEVEO

³ So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

Hiburu 2:3 Σταυροειδείς Αναφορές

Matiu 23:33

Meta dole jaria ruqea mela ni dole ko meqora poso mela! Meta maba pui meba taka lapasou vo Baṉara ko koqotato ko lula o mela vaekema heli kale.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Maka 1:14

Ni Jone Bapitaiso ke pirieva ko tova, nio Jisu ta ota olake Qalili ranama peuru poso kale ni okai bazubazutake vo Baṉara ko Uri ama Bazu.

Luke 1:2

Seta ke rikieke ko quli sea maba poso kuleto kekai nianiiekateni komia Uri ama Bazu ke vilu kale ke kevema quli koko tanitanila kale, ko se kekai bazubazutema eṉe kasi.

Luke 1:69

Vota o puariva kala piza kala Pakio tu anime kaqe, vovo nabulu Devita ko toutou kale ala.

Luke 24:19

Nio Jisu ta o kati tiorikake nioqa ni eri kiolake, “Loma quli kio ko ereilama?” kiolake. Nio nioqata qo vati tiorikake vo ni eri kiqolake, “Vo Nazareti ala Jisu kasi ko ereilama quli. Voa maba ta kala poropita ni voko piza kama rukuruku kale ni voko aqasiele ama iruruputo kale ta kasa ko eve ta vota Baṉara o roveani kerukeruevo ni kiadama maba poso melai kevai zoleivani.

Jone 15:27

Ni me melai so, meta melai bazubazutou aṉa, ako koko tanitanila keru azo meta me eve aṉa kasi sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 4:12

Vokale ko kiada inio animeta me roveovou pakio; ni puliala mata kala peuru ma peuru kale ala ta opa katimele vo Baṉara tu vota o pakiemelo anime,” kiolake.

Romu 11:14

Esa komi kale inio aṉata viluloqu saṉa a imou se Jiu amu a ṉavi kale amu, nio kake ta ke roveovou pakio.

Romu 2:3

Melai ṉoṉo erekani ṉa ko kuiripato se edolomu kasi ta ṉobe roveovou taka soqoilo vo Baṉara ko kuiripato ta be kiṉola kio? Maba pui, ako ṉo ṉavi melai ṉobe ereka koa kalo sole.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

1 Tesalonaika 5:3

So keru eri kikevou keru se maba poso, “Kiadama quli ta kota ibua ni animeta uria elo meda eva,” kikevou keru, inio vo Baṉara ta ota podoloa koqotaemo o elou se. Ni seta pui kepa taka soqoilou, omadeuvo ko reko pui kota ka soqoiva jari ko meqora ko kovo ko tola.

1 Timoti 1:15

Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,

Taitasi 2:11

Ako vo Baṉara ta lula kasa o ike voko pakiezato sama roquano tu kiadamu ta ke pakio.

Hiburu 1:1

Lulavo, vo Baṉara ta o pesiovi kubo taku animeko taite poso kasi ni kubo keve kale se poropita madu kale kude,

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Hiburu 1:2

melai komia tovatovama taku kale vota o pesiovi anime kasi vovo Meqora kale kude. Vokale kude Baṉara ta o ereke peuru ma peuru, ni vo inio vo Baṉara o pitoeveni tu lekasa oka elou kiadama quli Baṉara o erekema quli.

Hiburu 12:25

So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 4:1

Baṉara ta lula leveleveo okai vaeka kama pado zae tu animeta me amaqeovou sai vo o evakoi tu me mamazou vokasi. So sole animeta me vailou, tu puliala anime azo kala ta nieu okai elou kelo ni kovo koa mamazo ko vo lula o mela inainaekema.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Jone 1:1

Eṉeta ṉe mela rikita me saevo ko Bazu kale avo, voa Bazu, vo puliako komia peuru ma peuru ereilo o eveni kale avo. Ako eṉe inio ṉe viqe ni ṉe veveni ṉela ṉe ṉaviko vilu kale ni ṉe uria toiritoirive ni ṉe qamaveni ṉela eṉeko ṉase kale sole.

Jiudi 1:17

Melai kerukeruekomo, me a lolo poso mela! Meta kerukeruekomo ko quli lulavo ke melai bazuekema vo animevo Lekasa Jisu Karisito ko apositolo madu.

Kelokelozato 7:10

Ni seta ke velavelaoke matuma kora kale, ni eri kikelake, “Pakio ta ko kueva animevo Baṉara kasi azo, vo o papuani voko lekasa puo ko papupapu topi, ni vo Sipi Meqora kasi azo,” kikelake.