Hiburu 1:9 - BAṈARA KO VAIRU AMA LEVELEVEO

⁹ Ṉota ṉo roqueka ko sidopu, ni ṉoqai kideipa ko sarueko. Sokale inio aṉa ṉovo Baṉara lala ta a bitoeṉe ṉo ni aṉata a qatiṉe ṉo raura kama raurailo ko zoleilo kokai paloasako ṉoko baerebaere poso a qatimema.”

Hiburu 1:9 Σταυροειδείς Αναφορές

Luke 4:18

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani,

Jone 1:41

Ni taukavole Aduru ta o saqorake pade kale azo ni o vailivake vovo kaka Saimone ni o bazuevake vo, “Eqeta qe veala vo Baṉara o soroevani Pakio,” kiolake.

Jone 10:17

“Aṉavo Mama ta o roquela aṉa ako aṉata zarizaria lala tu a vaekou aṉako saevo, tu aṉata mata a dova kovou koa saevo.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Jone 3:34

Vo Baṉara ta o soroeve vo ni vota okai bazubazute vo Baṉara ko bazubazu, ako vo Baṉara ta ovai avozike vo vovo pado ala Tabu ala Auvana sole.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 4:26

Se peuru ma peuru kale ama aikovakova poso ta lula ke inainaova, ni se lekasa poso ta lula ke padoiva tu ke vati pazokinio vo Baṉara ni vo o pitoevani Pakio,’ ka kiovema.

Iruruputo 4:27

Tuvevo avole Herodi ni Ponitiasi Paelati ta qo zomanake mati padoilo Jerusalema peuru kale se pui Jiu amu ni se Izireli amu tu ke korotiko seko vouvaevo vo Jisu, ṉovo tabu ala Nabulu ni vo ṉoṉo bitoeveni Pakio.

Romu 12:9

Ko roquano ta maba tuvetuve ama ko elou. Kai kideipomo ko ruqe ama quli, ni noqoekomo ko uri ama quli.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

1 Koriniti 1:9

Vo me o nokaemeleni Baṉara tu omadeu me vati elo vovo Meqora Jisu Karisito, animevo Lekasa, ta kerula kala sole.

2 Koriniti 11:31

Vo Baṉara, vo animevo Lekasa Jisu Karisito vo Mama ta o ilusiovou rineo rane, ni vo inio okai nianiiani ko aṉako pesio ko tuveano.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Epesasi 1:3

So sole animeta me ilusivo vo Baṉara, animevo Lekasa Jisu Karisito vo Mama, ako animeko omadeu vati elo vo Karisito kale inio vo Baṉara ta o katimele sole animeko auvana kale kiadama mauruto aukale azo ama.

Pilipai 2:9

Sokale avo inio vo Baṉara ta o matu rauraevake vo, raura kama zaekale kiadama zae azo, ni vota o kativake ko raura kama ṉi kiadama ṉi azo.

Hiburu 2:11

Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

Kelokelozato 2:15

So jari inisiana kake maba poso se kebeta evani meko valuvalu seke luluekani vo Nikolasi ko nianiiekato.