Hiburu 1:2 - BAṈARA KO VAIRU AMA LEVELEVEO

² melai komia tovatovama taku kale vota o pesiovi anime kasi vovo Meqora kale kude. Vokale kude Baṉara ta o ereke peuru ma peuru, ni vo inio vo Baṉara o pitoeveni tu lekasa oka elou kiadama quli Baṉara o erekema quli.

Hiburu 1:2 Σταυροειδείς Αναφορές

Matiu 13:39

Ni vo kana, vo o papakani ko rabu, ta vo inio o mamola pueva vo Setani, ni koa kajoro ko taku ta ko mamola pueka komia peuru ma peuru ko paitopaito ko taku, ni se kajoro ko maba madu ta ke mamola puema se mateana madu.

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Matiu 21:38

Melai so keru se kekai iruruputani koa vaini kiaro ke vea keru voa meqora, seta eri kikelake, ‘Nei nio komia kiaro sala vo meqora, vo o besievo ala vovo mama tu kiaro ko raki ota ka elo. Ariamo tu me vouvaevo, nio komia vaini kiaro vo kovai vikuvo ama ta animeko ko elou!’

Matiu 26:63

Melai Jisu ta pui o pesiake. Nio vo Nisa Siama ta mata eri kiolake vokasi, “Vo saevola Baṉara ko ṉikale aṉata maulu aṉa pika. Tu ṉota bazueṉela eṉe, ṉo inio voa Pakio ṉa vo Baṉara vo Meqora ṉa?” kiolake.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Matiu 3:17

Ni vota o viqake ko kora aukale azo ama ko eri kikovema, “Ṉota a ṉavivo Meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikovema.

Maka 1:1

Komia Uri ama Bazu ta Jisu Karisito, Baṉara vo Meqora ko kasevako,

Maka 12:6

“Inevoana vokasi o ṉavivo meqora, vo o roquevani, ni koko tovatova inio voa tanala ta o soroevake vo, ‘Ako vo inio keta va paṉaovo ala sole,’ kiolake.

Maka 12:7

Melai so keru se kekai iruruputani koa vaini kiaro ke vea keru voa meqora, seta eri kikelake, ‘Nei nio komia kiaro sala vo meqora, vo o besievo ala vovo mama tu kiaro ko raki ota ka elo. Ariamo tu me vouvaevo, nio komia vaini kiaro vo kovai vikuvo ama ta animeko ko elou!’

Jone 1:10

Voa Bazu ta o evake peuru ma peuru kale, ni Baṉara ta o erekake ko miduku vokale kude, melai sea maba madu ta pui kevai nianiiake vo.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:3

Vokale kude inio Baṉara ta o ereke kiadama quli; ni koa kiadama quli ta ko erei voa Bazu kale kude peuru ma peuru ko tanitanila keru.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 13:32

Ni vo Baṉara ko ṉaṉaidara ta ko puratou aṉa kale kude, so sole vo Baṉara ta mata o puratikou nio aṉa maba a eveni lala ko ṉaṉaidara o ṉavi kale kude, ni vota o puratikou ko taukavole.

Jone 15:15

Erisaṉa aṉata pui a qasemela meta nabulu poso mela, ako vo nabulu ta pui okai nianiia vovo lekasa o erekako quli sole. Melai meta aṉako baerebaere poso inio mela kiala, ni meta meqai nianiia ta kota tuvevo avo, ako aṉata lula a melai bazueka sole kiadama quli ko lula aṉa a viqako a Mama kasi.

Jone 16:15

Tuvevo avole, kiadama tuveano a Mama ko ta aṉako. Sokale avo inio aṉata so kiala ta koa tuveano aṉa a qaseko ama ikio vo Tabu ala Auvana ta o borikou ni o melai vakakukou me.”

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 3:25

Nio vo Jone ko disaipeli madu ta ke vati zolizoliekiniake kala pado Jiu ala maba seko lotu kale ama pusailo ko kio kale avo.

Jone 5:26

Vo Mama ta saevo ko raki nio vota so jaria saevo ko raki o ilake aṉa vovo Meqora lala.

Jone 5:27

Ni vota o katile ko pizato titizato ko, ako aṉata vo maba a eveni lala sole.

Jone 9:29

Eṉeta ṉeqai nianiia ta vo Baṉara ta o pesiovi Mosese kasi, melai voa maba ta eṉeta pui ṉeqai nianiia sai vo o kuevikoi kazo!” kikelake.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 2:17

‘Komi quli kio aṉa a ereko ama tovama taku kale kiola vo Baṉara: Aṉata a raibikou aṉako Auvana kiadamu tona: Meko lasive meqora poso ni reko meqora poso ta kekai bazutou aṉako bazubazu; meko vairu ama maba poso ta ke kelou kama kelokelozato ni meko qole ama maba poso ta ke uloitikou kama uloito.

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

1 Koriniti 2:7

Koa bazu aṉa a qasekako ta o ṉavi Baṉara kasi azo ama bazu kio. Kota lula mutamuta kama, melai vo Baṉara ta lula o vatoeke korotiko puliako peuru ma peuru ereilo tu o katimelo anime aqasiele ama quli.

1 Koriniti 8:6

so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

Epesasi 1:10

Ni vota o vatoeke tu kiadama quli vo o erekema quli aukale ama ni miduku kale ama ta omadeu o ikou ni vo Karisito inio koko lezu. Ni voko zuato ta o erekou komia vatovatolo tutututuki ama taku ko barolou keru.

Epesasi 3:9

Ni vo Baṉara inio o katile aṉa komia iruruputo tu aṉata amai bazuekou kiadama maba madu vo Baṉara ko vatolo ko kavani. Koa mutamuta kama vatolo ta o mutake vo Baṉara koko tanitanila keru azo, vo o erekeni au ni miduku.

Hiburu 1:5

Ako vo Baṉara ta maba pui eri pa kiove kala pado vovo mateana kasi, “Ṉota aṉavo Meqora ṉa; vairutu aṉata a bazueṉa ṉo, ta aṉata ṉovo Mama lala.” Ni Baṉara ta pui opa kaseke kala mateana kale avo, “Aṉata vovo Mama a elou, ni vota aṉavo Meqora o elou,” kio.

Hiburu 1:8

Melai voa Meqora kale avo ta eri kiolake vo Baṉara, “Baṉara, ṉoko lekasa puo ta noqola ko elou latau ṉaniu ni ka ṉaniu! Ṉota ṉo mati vaila ṉoko maba madu sidopu kale.

Hiburu 11:3

Oqu kale inio animeta me baqumuka ta Baṉara inio o ereke ko pado ama peuru ma peuru o ṉaviko pesio kale kio nio me qeako quli ta ko erei ko pui me qeako quli kale.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 4:14

So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.

Hiburu 5:8

Vota Baṉara vo Meqora inio melai vota okai nianiiovi ko zoripato voko tola kale.

Hiburu 7:28

Mosese ko Bazu kale ta ke pitoi se maba madu, se sarueko kekai zomaneni ereko, tu seta ṉisa siama madu ke elo; melai Baṉara ko kejo sama leveleveo ta ko baroake Mosese ko Bazu ko tova, ni kokale inio vota o pitoevake vo Meqora, ni noqola sidopu ala Ṉisa Siama o ivake, so sole vo inio voa Ṉisa Siama animevo male ala.

Hiburu 7:3

Tabu ama Riki kale ta pui kopa rikiziovi ko lainioqa inio voko niania ni mama, ni pui kopa kasei vota ukoa vikuvikula kale ala inio kio, ni pui kopa kasei voko alilo ni voko vou. Sole vota Baṉara vo Meqora jari ala, ako voko siama iruruputo ta noqola kobeta eva.

Hiburu 9:26

Kubo taku okai amaqeovi tea, vota ota tolailo inio kubo taku kale peuru ma peuru ko erei keru azo. Melai koko ereima kale vota kasa o eve omadeu taku ko kiada ko malezikako kiadama taku komia tovatovama taku kale, tu vota siqasiqa o elo o ṉavi, tu vota noqola zauteko o elou maba poso ko sarueko poso.

1 Pita 1:20

Ako vo Karisito inio o pitoini sole puliako komia peuru ma peuru ereilo, melai vota kasa o eva komia tovatovama taku kale mekale avo.

2 Pita 3:3

Ni matu qulepo ama quli tu meta meqai nianiiovou ko quli ko ereilo ama quli tovama taku kale. Se maba poso ta ke melai niureovou me ni seta kebeta erekatou ko ruqeruqe ama kalo seko tupu ko zario ko lulueko kale.

Jiudi 1:18

Seta eri kikeve mekasi, “Tovatovama taku ko barou keru, so keru inio seke melai balebaleito amu me ta ke puratou, seke lulueko amu ke ṉaviko kutumana kama zario poso.”