Epesasi 5:3 - BAṈARA KO VAIRU AMA LEVELEVEO

³ Ni meta lula vo Baṉara ko maba poso mela meda eva so sole meta vaekomo ko pauvezato ni rusurusuavo puto, ni pui viluloqu me elou. Ako komi quli ta pui kopa melati mabuvou sole vo Baṉara ko tabu ama maba poso mela.

Epesasi 5:3 Σταυροειδείς Αναφορές

Matiu 15:19

Ako vo maba ko bulo kale azo inio ko saqora voko ruqe ama vatolo tu vota o vouvato ni o zavemato ni o pauvezato ni o kuilo, ni o lipalipato, ni o sekeseketato sole.

Luke 12:15

Ni vota eri kiolake sea kiadamu kasi, “Kati vailomo tu pui viluloqu elo, ako vo maba ko tuvevo ama saevo ta pui kubo kama ma kama vo o ṉeamukako kale inio ko eva sole.”

Luke 16:14

Nio so keru se Parese madu ke viqa keru kiadama soama Jisu ko rukuruku poso seta ke taniekake vai balebaleito vo, ako seta ke roquekake ko batiro sole.

Iruruputo 15:20

Melai animeta me rikieko kama pado leta sekasi tu me bazuemo tu seta pui ke kuo ko sailao ko lula ko katiziako beku poso kasi, ako kota tabu tu kuo sole; tu ke balauvo ke ṉavio kude pauvezato ereko kale azo; ni seta pui ke kuo ke rouraekako biaṉa ni dara.

Iruruputo 20:33

Aṉata pui aba tavai zari kala ko siliva ni qolo ni suma.

Romu 1:29

So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio

Romu 16:2

Meta me baroekikou ko vo Lekasa ko ṉikale, ako ko ikio vo Baṉara ko maba madu ko kalo sole, ni meta me dauvekou ko, ko koka zariovo ama quli kale mekasi, ako kota kama pado reko lula ko tauvemako kubo maba madu ni so jari aṉa melai sole.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

1 Koriniti 10:8

Animeta maba puliama kama zave ni pauvezato me ereko, omadeuvo kake se jari, ko kekai vovima karabete zouke vuro madu omadeu pado ṉaniu kale.

1 Koriniti 5:1

Zio, koko taliako pesio ta so kikola me tona ta ikoana ko vailikinio ruqe ama iruruputo ko ni kota se kutumana kamu melai pui kepa ereko ama ikio. Koa pesio ta so kikola kala maba mekale ala ta o kati maroṉa voko sasa niania, o mama ko omuqama reko.

1 Koriniti 6:13

Kala ta mata eri kiovou, “Baṉara ta o ereke ko sailao tu siapa kaqe, ni vota o ereke ko siapa tu sailao kaqe.” Kota tuvevo melai vo Baṉara inio o epeziko ala koa omuqa quli. Baṉara ta pui opa katimele ko tupu tu kai pauvezato kaqe, melai va nabuluputo kaqe vo, ni animeta voko mela.

1 Koriniti 6:18

Taka papariomo ko zave ni ruqe ama iruruputo ko pauveko. Kama sarueko poso vo maba o erekako ta pui matu ruqe kopa tava ikou voko omadeu vati elo vo Karisito, melai voa maba vo o erekani ko zave ni ruqe ama iruruputo o pauvekani ta maba o niumaeka voko omadeu vati elo vo Karisito.

2 Koriniti 12:21

Aṉata ada ṉava so keru aṉa a qilou keru sai mekasi, pui uri tu o quratilou aṉavo Baṉara meko tanama kale, ni aṉata duki amai elou kubo madu se lula ke saruivani se pui ke liliziani seko kuna kama kalo kale azo, seko ereko kale ko pauvezato.

Epesasi 5:12

Ako ko quli seke erekako mutamuta kale kai pesio melai qurato sama quli kio.

Epesasi 5:5

Ni meta meqai nianiiovou ko eri: puliala maba ta opa kovou voko reketekete vo Karisito ni Baṉara ko lekasa puo kale vo o erekani ko pauvezato ni rusurusuavo puto ni vo viluloqu o evani. Ako vo viluloqu o evani ta vota voko beku o ika inio sole ko quli vo viluloqu okai evako quli.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

1 Tesalonaika 4:3

Ako vo Baṉara ta o mela zaria me tu meta tabu me elou ni uria lapaso me elou ko pauvezato ni ruqe ama iruruputo kale azo.

1 Tesalonaika 4:7

Ako vo Baṉara ta pui opa nokaemele tu animeta me elo kuna kama quli kale melai animeta tabu me elo.

1 Timoti 2:10

Seta uri ama kalo ni kerukeru ke kovou, ko koko male ama se reko poso kasi seke tava paṉaovani vo Baṉara kikelani.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

1 Timoti 6:10

Ako takula ko roqueko ta kiadama ruqe ko raki sole. Kake maba poso se lula matu piza ke evani takula ko vailiko kale ta keta epeiva oqu kasi azo, ni kokale kude inio kubo upotuqu ta ko duki pueka seko bulo poso.

2 Timoti 3:2

Ako koa taku kale maba poso ta ke ṉavi ke kerukeruilou, ni ke vailivailikou ko takula, ni ke aikailou, ni ke rauraraurailou; seta keta ruqe pesiovou, ni pui kepa zorimou seko mama ni niania poso, puliama seko kaseko seko uriavo, ni seta Baṉara ko bazu ke bikoirikani maba madu;

Taitasi 1:11

Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Taitasi 2:3

Omadeuvo jari ṉota bazuema se qole ama reko poso tu ke ereko uri ama kalo koko malezimo ama sea rekoreko se Baṉara ko maba madu. Seta pui kekai pesiovou ko maba ni pui piza kama ju ko mabaku ke elo. Seta kekai nianiiekatou ko uri ama kalo,

Hiburu 12:16

Balauvomo tu puliala maba ta o ereko jou kama iruruputo ni kutumana iruruputo. Ako kutumana iruruputo ikio vo Isoa o erekema so keru vo okai tatabaraovi keru vo kuleto ala meqora ko puaro vovo visi Jekopi kasi, tu o kovo silo pala sailao.

1 Pita 5:2

tu meta mati vailomo vo Baṉara ko lotu qoqono vo Baṉara o katimeleni omadeuvo vo vailo ko maba ta o matu kati vaila ko sipi jari, ako se inio meko koidi madu sole. Ni zarizari emo ni pui me lupaovou mati vailo se, ako ko ikio vo Baṉara oka zariako sole. Ni meta erekomo koa koidi pui takula ko kai zario kale, melai meko tuvevo ama vailo ko zario kale.

2 Pita 2:10

Ni koa koqotato ta matuvole komai barolou se ruqe ama kalo kebeta erekatani, se ke ṉaviko ruqe ama tupu ko zario ke luluekani maba poso, ni se kekai kaikuapani vo Baṉara ko bazu. Nia lipalipa kama nianiiekato ko maba poso ta ke ereka ke ṉavi keka zariako quli ereko ni kekai aikaiva koa kalo. Ni seta pui ke ṉava ruqe kasemo se aukale ama mateana madu.

2 Pita 2:14

Ni kiadama taku seke kea keru ko reko seta viluloqu kekai eva. Seko ka zario ereko ko boutare ta pui ko korotima, ni seta ke aveavema lekuleku ama maba poso boutare ko sipata kale. Ni seta kekai matu nianiiani tu seta ke muino. Melai Baṉara ta o koqotaemou sea maba poso.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.

Kelokelozato 2:21

Aṉata lula a qatika ko taku tu kota ko lilizio koko ruqe kale azo, melai kota pui koka zaria lilizio koko pauvezato ko iruruputo kale azo.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”

Kelokelozato 22:15

Melai koa matu peuru ko kupekupe ta inisiana se siele jari ke kavani ruqe ama kalo ke luluekani, ni se kakokakoto ke erekani, ni se ruqe ama iruruputo ke pauvekani, ni seke vouvatani, ni seke ilusikani ko beku, ni seke lipalipatani seko pesio poso kale ni seko iruruputo poso kale.

Kelokelozato 9:21

Mata seta pui kepa liliziovi seko vouvato kale azo, ni seko kakokakoto kale azo, ni seko pauveko ruqe ama iruruputo kale azo ni seko kuilo kale azo.