Epesasi 5:2 - BAṈARA KO VAIRU AMA LEVELEVEO

² Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Epesasi 5:2 Σταυροειδείς Αναφορές

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Jone 13:34

Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 4:25

Ako Baṉara ta o soruevake vo tu okai vou animeko sarueko ni o saevivake vo tu animeta sidopu me elo vo Baṉara ko vilu kasa.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Romu 8:37

Pui, melai kiadama komi quli kale animeta me matu pizatou vo Karisito kale, vo anime o roquemelani!

1 Koriniti 16:14

Kiadama meme erekako quli meta erekomo roquano kale.

1 Koriniti 5:7

Meta saqorivomo voa sarueko sala maba meko lotu qoqono kale azo, inio voko boutare ta pui mekasi ko elou. So inio meta omadeuvo ko vairu ama palava volevole jari me elou ko isiti pide ama. Ako meta vairu ama saevo samela Karisito kale sole meta pui me male tu sarueko. Omadeuvo se Jiu amu ta kekai zoleiva seko Alokato ko ṉojola jari, animeta me male tu kai zoleilo. Ako animevo Alokato vo ṉojola ta lula o inainaiva, vo Karisito, vo inio animevo Alokato ko Sipi Meqora, ta lula siqasiqa o eveni sole.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

2 Koriniti 2:15

ako Karisito ta o soroeṉela eṉe kiadakoi tu ṉe aeriko voko bazu omadeuvo sea siama madu ta ke aerika koa bube ko uri ama tui kiadakoi jari. So inio eṉeta ṉe aerika koa bazu seke pakiziani kasi ni se noqola tolailo ke elo amu kasi.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Epesasi 3:17

Ni aṉata a vararaita vo Karisito tu meta mevai oquvou tu vota o elou meko bulo kale, ni aṉata a melati vararaita me tu meko saevo ta ko pizatou roquano kale ni me rapukou roquano kale.

Epesasi 3:19

Ako vo Karisito ko roquano ta aqasiele ama ni palopaloasi ama, ni maba poso ta pui ke rovea paqumuko ko. Melai aṉata a melati vararaita me tu meta meqai nianiiovou koa voko matu aqasiele ama roquano, tu meta me jukatou vo Baṉara ko saevo kale.

Epesasi 4:15

Melai animeta meqai pesiovou ko tuveano roquano kale ni animeta me rapukou kiadama keve kale tu Karisito jari me elo, ako animeta omadeuvo voko tupu jaria mela ni vo inio animeko lezu sole.

Epesasi 4:2

So sole meta zarazaraimo, ni baiseo ni inobe emo, ni pui taukavole me qorakoraekiniou, melai me roquekiniou muli.

Epesasi 5:15

So sole meta kati matu vailomo meko saevo, ni pui saevo se sarube ama maba poso jari, melai meta saevomo nianiioma maba jari.

Epesasi 5:25

Ni me tanama lasive poso mela, meta roquemomo meko tanama reko poso omadeuvo vo Karisito ta o roqueka jari ko lotu qoqono, ako vota maba oka vovi voko lotu qoqono

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

Kolosi 3:14

Kiadama koa uri ama kalo poso ta kai iruruputomo roquano kale, ko omadeu tubo ko iko ama koa kiadama, tu pulia quli ta ko niumaekou meko omadeu elo.

1 Tesalonaika 4:9

Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

1 Timoti 4:12

Ṉota pui zarievo kala tu vota o zaraeṉo ṉo ṉoko vairu beta elo kale avo, melai ṉota kala kevepito eve seke tuvevo putani kasi, ṉoko pesio kale, ni ṉoko kalo kale, ni ṉoko roquano kale, ni oqu, ni ṉoko bulebule ama saevo kale.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 8:3

Kiadama Ṉisa Siama madu ta ke pitoivake tu seta ke kativo vo Baṉara katizato poso ni biaṉa kale ama siqasiqa, so sole animevo Ṉisa Siama melai o puariko kama quli vo Baṉara kasi.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Hiburu 9:23

Lulavo ta ko malezike seko soa reretiko ko dara tu kota bulebule ko iko koa lomaloma poso vo Baṉara ko tanama kale, ni koa lomaloma ta tuvevo ama aukale ama lomaloma ko laumuna pala. Melai koa tuvevo ama quli aukale ama ta omadeu pado qulepo ama siqasiqa ikio bulebule ko ika.

Hiburu 9:26

Kubo taku okai amaqeovi tea, vota ota tolailo inio kubo taku kale peuru ma peuru ko erei keru azo. Melai koko ereima kale vota kasa o eve omadeu taku ko kiada ko malezikako kiadama taku komia tovatovama taku kale, tu vota siqasiqa o elo o ṉavi, tu vota noqola zauteko o elou maba poso ko sarueko poso.

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

1 Jone 3:16

Ni eri nio anime meqai nianiiani ko tuvevo ama roquano: vo Jisu ta pui opa kaitike o ṉaviko saevo voko mela voukale anime. So sole anime melai me qatimo animeko saevo animeko baerebaere poso.

1 Jone 3:23

Ni komi quli kio vo Baṉara o melai bazuekako: animeta tuvevo me ivo vovo Meqora Jisu Karisito ni me roquekinio muli omadeuvo vo Jisu melati kiovevo jari.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.