Epesasi 3:5 - BAṈARA KO VAIRU AMA LEVELEVEO

⁵ Ako lulama taku keru ama maba poso ta pui kepa kai nianiiovi sole koa mutamuta kama vatolo. Melai erisaṉa vo Tabu ala Auvana kale inio vo Baṉara ta kasa o ika koa mutamuta ko evema vatolo se apositolo madu ni se poropita madu kasi.

Epesasi 3:5 Σταυροειδείς Αναφορές

Matiu 13:17

Melai tuvevo avole aṉata a bazuemela me, ko quli kubo poropita madu ni se Baṉara ko maba madu kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Matiu 20:7

Nio seta ke vati tiorikake ni eri kikelake, ‘Puliala o ṉelai zaria tu eṉeta ṉe iruruputo sole,’ kikelake, so sole vota o soroemake tu kepa iruruputo koa vaini kiaro kale.

Matiu 23:34

So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale.

Luke 10:24

Ako aṉata a bazuemela me, ko quli kubo poropita madu ni se aikovakova poso kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Luke 11:49

Sokale avo inio vo nianiio sala Baṉara ta eri kioveni, ‘Aṉata a joroemou sekasi se poropita madu ni apositolo madu, nio kake seta ke vouvaemou ni kake ta ke niumaniumaemou.’

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Iruruputo 10:28

Nio vota eri kiolake sekasi, “Meta meqai matu uria nianiia ta eṉea Jiua ṉela ta pui ko zarieṉela eṉeko lotu bazu tu eṉeta omadeu ṉe melati elou ni ṉe joipimelou me pui Jiu amu mela kio. Melai vo Baṉara ta lula kasa ola ika aṉa tu aṉata pui a qerukeruemelo me koa bazu ko lulueko kale tu aṉata meta tabu tu melati lolopareo me mela kiavo.

Romu 16:25

Animeta ṉaṉaidara me ivo vo Baṉara! Vo inio o pizatimelani me meko oqu kale, vo Jisu Karisito Uri ama Bazu kale, ko aṉa aqai bazubazutako. Matu lulavo azo rosi ama taku kale inio kota mutai koa Bazu,

1 Koriniti 2:10

Melai vo Baṉara ta lula kasa o mela ika koa bazu anime voko Auvana kale. Ako voko Auvana ta kokai nianiia kiadama quli ni so jari vo Baṉara ko repaso ama vatolo poso melai kokai nianiia.

Epesasi 2:20

Ni me melai me orumuilou koa vola topi se apositolo ni poropita madu ke erekema. Ni o ṉavi Jisu Karisito inio koko viluabara koa oruorumu ko.

Epesasi 3:9

Ni vo Baṉara inio o katile aṉa komia iruruputo tu aṉata amai bazuekou kiadama maba madu vo Baṉara ko vatolo ko kavani. Koa mutamuta kama vatolo ta o mutake vo Baṉara koko tanitanila keru azo, vo o erekeni au ni miduku.

2 Pita 3:2

Ni aṉata a mela zaria me tu meta me qerukeruekou koa rukuruku poso se tabu ama poropita madu kekai bazutema lulavo ni koa bazu animevo Pakio Lekasa Jisu o vaekema, ni eṉe apositolo madu ṉela ṉe qatimelema.

Jiudi 1:17

Melai kerukeruekomo, me a lolo poso mela! Meta kerukeruekomo ko quli lulavo ke melai bazuekema vo animevo Lekasa Jisu Karisito ko apositolo madu.