Epesasi 2:2 - BAṈARA KO VAIRU AMA LEVELEVEO

² Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Epesasi 2:2 Σταυροειδείς Αναφορές

Matiu 11:19

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio seta eri la kikela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kikela. Melai vo Baṉara ko nianiio sama nakanakati ta sea kiadamu se ko ke ṉeamukani ke puratikako epa kale inio me qelou koko tuveano,” kiolake vo Jisu.

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

Matiu 13:38

Ni ko kiaro ta ko mamola pueka komia peuru ma peuru, ni ko uri ama rui ta sea maba poso vo Baṉara ko lekasa puo kale amu, ni ko rabu ta ko mamola puema se maba poso seke luluekani vo Setani ko vatolo.

Maka 4:19

melai seko riteraite kai elo komia miduku kale ama saevo ni seko roqueko ko batiro ni edoloma quli kai zario ta ko pirieka koa bazu omadeuvo rikosasana ta ko pirieka ko sisu jari, so sole koa bazubazu ta pui ko rovea qotupo ni pui ko epamata seko saevo kale.

Luke 16:8

“Ni koa kalo vo o erekako kale avo inio vo lekasa ta o rauraevake voa lipalipa kala vailo ko maba voko roverove ama kalo kale. Aṉata aqai bazubazuta ko quli ako komia ruqe ama peuru ma peuru kale ama maba poso ta roverove amu ni kemai paloasa se Baṉara ko zakaremu kale ke evani seko korotiko kale ke ṉaviko uri sole.”

Luke 22:31

Nio Jisu ta mata eri kiolake, “Saimone, Saimone! Didiane! Setani ta lula o koala ko zariekato tu tapata kama madolo o katimelou mea kiada mela, tu vota ota mela kelo kama ruqe, omadeuvo vo papato ko maba o pitasika ko vuiti ko amu koko epa kale azo jari.

Jone 12:31

Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.

Jone 13:2

Ni Jisu ni voko disaipeli poso ta kebeta papuake ni kebeta vuatake. Ni kala pado vovo disaipeli, Jiudasi va kikelani, Saimone Isikarioti vo meqora, vo Setani ta lula ota va niumaeka voko kerukeru tu vota o saiqorivo vo Jisu.

Jone 13:27

Ni eria kovo obe evake vo Jiudasi koa bereti, inio vo Setani ta ovai amaqeake vo. Sai nio Jisu ta eri kiolake vo Jiudasi kasi, “Taukavole ereka ko ṉo ṉoqa zariako ereko!” kiolake.

Jone 14:30

Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa,

Jone 15:19

Meta peuru ma peuru ko maba poso jaria mela tea, peuru ma peuru ko maba poso ta ke ṉavi jaria roquemelo inio ke elo. Melai aṉata lula a bitoemele me komia peuru ma peuru ko maba poso kale azo, ni meta pui koko mela, Sokale inio ko peuru ma peuru ko maba poso ta ke melai kideipa.

Jone 16:11

Ni seta ke saruiva kerukerueko ko seta pui kepa kovou ko titizato kio, ako komia ruqe ama peuru ma peuru kale amu vo lekasa, vo Setani, ta lula ota titizia sole.

Jone 7:7

ako se maba madu ta pui ke rovea melai kideipo me. Melai seta kelai kideipa aṉa, ako aṉata pui a lalamata tama kaseko seko ruqe ama kalo sole.

Jone 8:23

Ni Jisu ta o mati tiorikake, “Meta koi miduku kalea mela, melai aṉata a quevini lala aukale azo. Meta komia peuru ma peuru kalea mela, melai aṉata pui komia peuru ma peuru kalea lala.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Iruruputo 19:35

Ni koko tova inio koa peuru kale ama kauniseli vo rikito ko maba ta o moizaemake sea matuma vaki ni eri kiolake, “Me Epesasi amu mela! Kiadamu peuru ma peuru kale amu ta ke paqumuka ta Epesasi amu mela ta me qati vaila ko raura kama Atemisi ko Jelepade ni koko tabu lado koko piavema aukale azo.

Iruruputo 5:3

Nio Pita ta eri kiolake vokasi, “Ananaiasi, noi sole inio ṉota ṉo lekasa pueva vo Setani ṉoko bulo kale ni ṉota ṉo lipalipaeva vo Tabu ala Auvana ṉo taka ṉeamuko kale kama kobu seleni ṉo ṉoqai tatabaraolama lomaloma kale azo ko puratalama kale azo?

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

1 Koriniti 5:10

Melai aṉata pui aba kaseme se kutumana kamu seke pauvezatani ni seke ruqeruqetani ni se viluloqu ke evani ni se kuilokuilo amu ni se beku ke ilusikani. Tama soqoilo kale se inio meta maba me vaekou komia peuru ma peuru sole!

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Epesasi 1:21

Ni vota raura o ivake vo kiadama mateana madu kasi azo, ni ko lekasa puako ziolo kasi azo, ni kiadama koko lekasa puako pizato poso ni seke lekasa puani maba madu kasi azo, ni kiadama piza kama ṉi kasi azo, komia peuru ma peuru kale ti kobeta barolou komi ko kuevako peuru ma peuru kale.

Epesasi 2:11

So sole me pui Jiu mu mela meko alilo kale, meta kerukeruekomo ko eri. Se Jiu mu ta ke melai kuirika meta pui me moveivani mela, melai ke ṉavi nio ke moveivani nio kikelani. Melai koa moveilo ta maba ko erekako tupu kale ama pala ikio.

Epesasi 2:13

Ni koa taku meta matu vaṉa mela Baṉara kasi azo, melai erisaṉa vo Jisu Karisito ko voukale inio meta sipole o imela Baṉara kasi.

Epesasi 2:3

Melai koko paloasako taku kale animea kiada mela ta se kekai saevako saevo jaria saevo me eve. Ni animeko elo kale animeta meqai zariovi zoleko animeko saevo boutare kale, ni animeta me lulueke animeko tupu ni kerukeru kokai zariako quli. Ni animeta meda tolailo nio vo Baṉara ko korakorailo kale me ṉaviko kalo kale sole, omadeuvo sea ruqe ama maba poso jari.

Epesasi 4:17

Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Epesasi 5:6

Ni meta pui zariemo kake tu ke saruemelo me lipalipa kama bazu kale. Ako koa boutare poso aṉa abe kasekako kale avo inio vo Baṉara ko korakorailo ta komai barolou sole se pui ke zoripatani.

Epesasi 5:8

Ako koko paloasako taku kale meta kutumana kamela, melai erisaṉa meta animevo Lekasa ko zakaremu kalea mela. Ako ko zakaremu ikio ko kati kuevi sole kiadama uri ama ni sidopu ama ni tuveano sama kalo. So sole meta saevomo se zakaremu ko maba poso ko malezikako saevo kale.

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Kolosi 1:21

Lulavo, meta meda pitasiovi Baṉara kasi azo, ni kana me eve, meko ereko kale koa ruqe ko meme qerukeruekema,

2 Timoti 4:10

Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.

Jemisi 1:7

Soala maba ta pui omadeu o ikani voko kerukeru ni pui o pitoeka vo o ereko ama quli. Vota pui o kerukerutou vota o kovou kama quli vo Baṉara kasi azo.

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

1 Pita 1:14

Ni meta zorivomo vo Baṉara mevo Mama, ni pui mata kai zario ruqe ama quli ko meme erekema ko paloasako taku kale, me puliako vai nianiio vo Baṉara.

1 Pita 4:3

Ako lula koko paloasako taku kale meta me niumaeke matu kubo taku kutumana kamu ke erekako kalo kale. Meta meqai ṉamuke ko taku ko pauvezato, ni tupu kale ama viluloqu, ni kiada keru me japosapoita ko piza kama ju. Ni meta me ereke ko olavo ama ni ruqeruqe ama kalo ni me ilusike ko beku meko kuvaruvaru ama kalo kale.

2 Pita 2:14

Ni kiadama taku seke kea keru ko reko seta viluloqu kekai eva. Seko ka zario ereko ko boutare ta pui ko korotima, ni seta ke aveavema lekuleku ama maba poso boutare ko sipata kale. Ni seta kekai matu nianiiani tu seta ke muino. Melai Baṉara ta o koqotaemou sea maba poso.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.

1 Jone 4:4

A meqora poso, meta vo Baṉara ko mela so sole meta lula koqo me ime se lipalipa kama poropita madu, ako vo Baṉara vo Auvana me tonala ta piza kala sole obe vai paloasani vo Setani, vo komia peuru ma peuru ko ruqe ama maba poso tonala.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.

1 Jone 5:4

Ako animea kiada mela vo Baṉara ko meqora poso mela ta pizato samela sole tu me qoqotaeko komia peuru ma peuru ko ruqe. Ni animeko tuvevo puevo kale vo Jisu inio animeta koqo me ikou ko peuru ma peuru.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Kelokelozato 13:14

Ni vota o lipalipaemake kiadama maba poso seke evani miduku kale voko ereko kale koa aqasiele ama iruruputo ko kova zariziako voa kuleto ala biaṉa ko tanama kale. Voa omuqala biaṉa ta o soruemake se maba poso peuru ma peuru kale ke evani tu seta ke erevo kala beku tu keta va ereko ko mamola vo kuleto ala biaṉa benisi kale tabi o eveni, ni vo o saeveni.

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

Kelokelozato 16:17

Ni vo sikeurala mateana ta oka raibikake okale ama oka voko lolulolu Baṉara ko korakorailo sama. Nio kama pado matuma kora ta ko kuevake Jelepade kale ama papupapu kasi azo, eri kikolako, “Kota paita!” kikolako.

Kelokelozato 20:2

Vota o saputivake vo matu dole, vo kuleto o eveni dole, voa ziolo vo Setani va kikelani, ni voa mateana ta o pirievake voa dole koa seini kale omadeu vuro sabere ko tiniavo ama taku kale.