1 Jone 3:9 - BAṈARA KO VAIRU AMA LEVELEVEO

⁹ Vo Baṉara ko meqora poso lula ke evani ta pui kiada keru ke erekani ko sarueko, ako koa vairu ama saevo vo Baṉara o katimako ta se tona, ni seta lula Baṉara ko meqora poso ke evani sole.

1 Jone 3:9 Σταυροειδείς Αναφορές

Matiu 7:18

Ni ko puṉazo koilo ama ore ta pui kopa erekou ruqe ama epa, ni ko saitanoqe ama ore ta pui kopa erekou uri ama epa.

Jone 1:13

Seko Baṉara ko meqora poso elo ta pui dara ni tupu kale ama alilo kale pala, ni pui kala miduku kale ala mama ko alilimo kale, melai vo Baṉara inio sevo Mama.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Iruruputo 4:20

Ako eqeta pui qepa roveovou epezo kaseko ko eqe lula qe kevema ni qe viqema quli sole,” kiqolake.

Romu 6:2

Maba pui! Animeta lula vou mela jari sarueko vasia rana sole soa saevo inio mebeta elou? Maba pui!

Qelesia 5:17

Ako animeko bulo kale ama kerukeru ko ruqe ama zario ta pui ijatinia ko kati eva sole vo Baṉara ko auvana kale ama zario, ni komia omuqa quli ta kota kanaekinia. Sole meta odiziomo Baṉara ko Auvana kale tu pui ereko meko ruqe ama kerukeru kokai zariovo ama quli ereko.

Taitasi 1:2

Ako koa seko uri ama lotu saevo ko raki ta seta ke tuvevo pueka ko seta ke kovou ko noqola kama saevo sole. Vo tuvetuve ala Baṉara ta o mela inainaeke anime komia noqola kama saevo puliako peuru ma peuru ereilo,

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

1 Jone 2:29

Ako animeta meqai nianiia ta vo Karisito ta sidopu ala. So sole animeta meqai nianiia ta mata kiadamu seke erekani ko sidopu ta vo Baṉara ko meqora poso.

1 Jone 3:6

So sole vo o evani vo Karisito tona ta pui kiada keru o erekani ko sarueko. Melai kala ta obeta ziovo ala ereko ko sarueko ta vo inio pui o toraevani, ni pui o paqumuvani vo Karisito.

1 Jone 4:7

A baerebaere poso, animeta me roquekinio muli, ako roquano ta vo Baṉara kasi azo ko kuevako ikio sole. Ni voa maba vo o roquanani ta vo Baṉara vo meqora ni vo inio ovai nianiiani vo Baṉara.

1 Jone 5:1

Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.

1 Jone 5:4

Ako animea kiada mela vo Baṉara ko meqora poso mela ta pizato samela sole tu me qoqotaeko komia peuru ma peuru ko ruqe. Ni animeko tuvevo puevo kale vo Jisu inio animeta koqo me ikou ko peuru ma peuru.

3 Jone 1:11

A baerebaere ṉa, ṉota pui lulueko ko ruqe ama kalo melai lulueka ko uri ama kalo. Ako vo o erekani uri ama quli ta vo Baṉara vo inio, melai vo o erekani ko ruqe ta pui ovai nianiiani vo Baṉara sole.