1 Jone 2:18 - BAṈARA KO VAIRU AMA LEVELEVEO

¹⁸ A meqora poso, komia peuru ma peuru ko paitopaito ko taku ta sipole! Meta lula me viqe ta vo o kanaevo ala vo Karisito ta o kilou. Ni matu kubo vo Karisito ko kana madu ta lula koi, so inio animeta meqai nianiia ta ko paitopaito ko taku ta sipole.

1 Jone 2:18 Σταυροειδείς Αναφορές

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 24:5

Ako matu kubo maba madu inio ke kilou ni eri kikevou, ‘Aṉa inio voa Pakio lala vo Baṉara o pitoeveni,’ kikevou, ni ke saruemou matu kubo maba madu.

Maka 13:6

Ako matu kubo maba madu inio ke kilou ni eri kikevou, ‘Aṉa inio voa Pakio vo Baṉara o pitoeveni lala!’ kikevou, ni ke saruemou matu kubo maba madu.

Jone 21:5

Nio Jisu ta eri kiolake sekasi, “Meva, puliama niuniu me qoa kio?” kiolake. “Puliama,” kikelake.

Romu 13:11

Meta erekomo ko quli, ako meta me baqumuka ta meko toirato ko taku ta lula kota baroa sole. Ako anime meqai pakiovo ama taku ta lula sipole erisaṉa, pui anime me duvevo pute keru jaria vaṉa sole.

Romu 13:12

Ko ipu ta sipole kota paloasou, ni vo ṉaniu ta matu sipole erisaṉa. So sole animeta me epezo ereko ko kutumana ko quli, melai animeta me zolaeko ko sidopu ko bako, zakaremu kale ama pazokinio ko.

Hiburu 1:2

melai komia tovatovama taku kale vota o pesiovi anime kasi vovo Meqora kale kude. Vokale kude Baṉara ta o ereke peuru ma peuru, ni vo inio vo Baṉara o pitoeveni tu lekasa oka elou kiadama quli Baṉara o erekema quli.

1 Pita 1:20

Ako vo Karisito inio o pitoini sole puliako komia peuru ma peuru ereilo, melai vota kasa o eva komia tovatovama taku kale mekale avo.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

2 Pita 2:1

Lulavo se lipalipa kama poropita madu ta ke purate vo Baṉara ko maba madu ko tiania. Ni so jari nio se lipalipa kama nianiiekato ko maba poso ta ke puratou meko tiania, ni seta ke kati kilou moizavole kubo lipalipa kama bazubazu koko niumaemelo ama me. Ni seta keta vai zoliovou melai vo Jisu vo o tabarikeni seko rupasio seko sarueko ko piri kale azo, ni so inio seta ke oruṉikou seko tapata ni vo Baṉara ta kapiavole o niumaemou se.

2 Pita 3:3

Ni matu qulepo ama quli tu meta meqai nianiiovou ko quli ko ereilo ama quli tovama taku kale. Se maba poso ta ke melai niureovou me ni seta kebeta erekatou ko ruqeruqe ama kalo seko tupu ko zario ko lulueko kale.

1 Jone 2:22

So sole lala inio lipalipa kala? Vo inio voa maba vo eri kiolani, Jisu ta pui vo Baṉara o soroeveni Pakio inio, kiolani. Ni voa maba vo Jisu ta pui voa Pakio kiolani, vo inio vo Karisito vo kana, vo okai kaikuapani nioqa, vo Meqora ni vo Mama.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

1 Jone 4:3

Melai voa auvana vo pui tuvevo o ivo ala vo Jisu ta voa auvana ta pui vo Baṉara vo Auvana, melai voa auvana ta vo Karisito vo kana vo auvana inio. Ako meta lula me viqe ta vo Karisito vo kana ta sipole inio ota puratou kio, ni erisaṉa vota lula komia peuru ma peuru kale.

2 Jone 1:7

Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.

Jiudi 1:18

Seta eri kikeve mekasi, “Tovatovama taku ko barou keru, so keru inio seke melai balebaleito amu me ta ke puratou, seke lulueko amu ke ṉaviko kutumana kama zario poso.”