1 Jone 1:9 - BAṈARA KO VAIRU AMA LEVELEVEO

⁹ Melai animeta meqai eraeraovou animeko sarueko vo Baṉara kasi, nio vota ota mela akoekou. Vota kerula kala sole animeta me rovea vai keru vo, ta vota o mela erekou sidopu ama quli: vota bulebule o imelou kiadama animeko sarueko me erekako kale azo.

1 Jone 1:9 Σταυροειδείς Αναφορές

Matiu 3:6

Ni sea maba poso ta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.

Maka 1:5

Nio matu kubo maba madu Jiudia rana mu ni Jerusalema matu peuru kale amu ta ke olake didievole vo Jone. Ni seta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.

Luke 22:57

Melai Pita ta ota ka zoliake ko, “Ṉoiza, aṉata vai sasa nianiio melai pui a bika voa maba!” kiolake.

Jone 17:25

Sidopu ala Mama, peuru ma peuru kale amu ta pui keṉai nianiia ṉo, melai aṉata aṉai nianiia ṉo, ni nia maba poso aṉako madu ta kelai nianiia ta ṉo inio ṉo joroeleni ṉa aṉa kio.

Iruruputo 19:18

Ni kubo madu se lula ke tuvevo putani ta ke kuevake ni kekai eraeraoke ni kasa ke ikake ubutiania se lula ke erekako quli.

1 Koriniti 1:9

Vo me o nokaemeleni Baṉara tu omadeu me vati elo vovo Meqora Jisu Karisito, animevo Lekasa, ta kerula kala sole.

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

Epesasi 5:26

tu kota vo Baṉara ko ko elou. Ni vo Karisito ta okai iruruputa voko Uri ama Bazu tu vota bulebule o ikou ko lotu qoqono voko pusaeko kale bapitaiso ko jukale.

1 Timoti 1:15

Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 10:23

So sole animeta pizaka lojo me elou ni animeta me noqoekou animeko keru ko meqai tarekako quli vo Baṉara o ereko ama quli tu anime kaqe. Ako Baṉara ta lula o mela inainaeka anime tu vota o erekou o kasekema quli, sole ko male tu animeta mevai oqu vo.

Hiburu 11:11

Oqu kale inio Ebarahami ta o roveake kala mama elo vo lula matu qole ala keru ni voko reko Sera melai padu ama keru, vota ovai oqui sole vo Baṉara, vo ova kasekeni voko leveleveo.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

Kelokelozato 15:3

Ni seta kevai keraoke Mosese vo kera, Baṉara vo nabulu, ni voa Sipi Meqora vo kera, eri kiolani: “Raura kala ni Kiadama Pizato sala Baṉara ṉa, kiadama ṉoko iruruputo ta matu aqasiele ama! Kiadama toutou ni qoqono poso vo Aikovakova ṉa, kiadama ṉoko kalo ta sidopu ni tuvevo ama!