1 Jone 1:2 - BAṈARA KO VAIRU AMA LEVELEVEO

² Vo o katiṉeleni eṉe ko saevo ta kasa o ṉela evake eṉe, ni eṉeta ṉe veve vo nio ṉeqai bazubazute voko tuveano maba poso kasi, nio eṉeta mata ṉe melai bazueva me voa noqola kama saevo sala Bazu. Vo o katiṉeleni eṉe koa saevo ta o eve o Mama Baṉara kasi. Ni Baṉara inio kasa o ṉela ive eṉe.

1 Jone 1:2 Σταυροειδείς Αναφορές

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 1:4

Voa Bazu ta saevo ko raki; ni koa saevo ta ko kati kuevi vo Baṉara ko zakaremu maba madu kasi.

Jone 10:28

Ni aṉata a qatima se noqola kama saevo, ni seta pui kepa vouvou, ni puliala ta opa rapemou aṉa kasi azo.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 15:27

Ni me melai so, meta melai bazubazutou aṉa, ako koko tanitanila keru azo meta me eve aṉa kasi sole.

Jone 16:28

Aṉata a quevi aṉavo Mama kasi azo, ni a quevi koi komia peuru ma peuru kale, nio erisaṉa ta sipole inio a vaekou ko peuru ma peuru ni ada vaitou a Mama kasi,” kiolake.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Jone 17:5

Erisaṉa Mama, ṉota ṉaṉaidara ila ṉoko tanama kale, koa omadeuma ṉaṉaidara kale aṉako ko evema ṉo sase puliako peuru ma peuru ereilo.

Jone 19:35

Aṉa a qeveni lala kiadama komi quli inio aqai bazubazutani lala, ni aṉako bazu ta tuvevo ama, ni aṉata aqai nianiia ta aṉa a qasekako quli ta tuvevo ama, so sole me melai me rovea tuvevo puto.

Jone 21:14

Komi ta zouke ama taku Jisu kasa o eve keru voko disaipeli madu kasi voko voukale azo ama saevo ko tova.

Jone 3:13

Ako puliala me azo ta opa koivi aukale, melai aṉa maba a eveni lala inio a jaqoreni aukale azo.

Jone 7:29

aṉa inio avai nianiia vo, ako aṉata a quevi vokasi azo, ako vota o soroele aṉa sole,” kiolake.

Jone 8:38

Aṉata a qaseka ko quli a Mama ola kasekema quli, melai meta mebeta erekala vo mevo mama melati kiovevo,” kiolake.

Iruruputo 10:41

pui kiadamu kasi nio, melai eṉe kasi vo Baṉara lula o pitoeṉeleni ṉela tu eṉeta ṉe qelo ni ṉeqai bazubazuto ko, eṉe ṉe vati vuateni ṉela ni ṉe vati nozuteni ṉela voko mata saevo voukale azo ama ko tova.

Iruruputo 2:32

“Vo tisoiko voa Jisu vo Baṉara o saeviveni voukale azo, ni eṉea kiada ṉela ta ṉeqai zomane kelo voko tova saevo.

Iruruputo 3:15

Ni meta me vouvaeve vo vo tuvevo ama saevo kale o odikatani, melai vo Baṉara ta o saevive vo voukale azo, ni eqeta qe veake vo voko tova saevo kale.

Iruruputo 5:32

Eṉeta ṉeqai bazubazutani ṉela komi eṉe ṉe qevema quli—eṉe ni vo Tabu ala Auvana, vo Baṉara vo puaro seke zorivani vo kasi,” kikelake.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

2 Timoti 1:10

melai erisaṉa ta kota kasa ko eva anime kasi vo animevo Pakio Jisu Karisito ko kilo kale. Vota o koqotaeke ko vou ko pizato ni vota o puratike noqola kama saevo seke ṉeamukani voko Uri ama Bazu kaqe.

Taitasi 1:2

Ako koa seko uri ama lotu saevo ko raki ta seta ke tuvevo pueka ko seta ke kovou ko noqola kama saevo sole. Vo tuvetuve ala Baṉara ta o mela inainaeke anime komia noqola kama saevo puliako peuru ma peuru ereilo,

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

1 Jone 1:1

Eṉeta ṉe mela rikita me saevo ko Bazu kale avo, voa Bazu, vo puliako komia peuru ma peuru ereilo o eveni kale avo. Ako eṉe inio ṉe viqe ni ṉe veveni ṉela ṉe ṉaviko vilu kale ni ṉe uria toiritoirive ni ṉe qamaveni ṉela eṉeko ṉase kale sole.

1 Jone 2:25

Ako o ṉavi Karisito leveleveo o ikema tu o katimelo anime ta noqola kama saevo ikio sole.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.

1 Jone 4:2

Ni eria kai nianiio nio me elou vo Baṉara vo Auvana inio o erekani koa bazu. Vo Jisu Karisito ta o saqore komia peuru ma peuru kale ni maba ota eve kio tuvevo o ivo ala auvana inio vo Baṉara vo Auvana.

1 Jone 5:11

Ni komi quli kio vo Baṉara o melai bazuekako anime: vota o katimele ko noqola kama saevo, ni vota o katimele koa saevo animeko vai oqu kale vovo Meqora.

1 Jone 5:13

Aṉata a rikieva nea riki mekasi me tuvevo me ivani mela vo Baṉara vo Meqora kasi. Ni aṉata a mela rikita tu meta meqai nianiiovou ta erisaṉa ta meta noqola kama saevo samela.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.