Lucas 8:41 - Lalang Hu Dios

⁴¹ Amin daan agalen duun hu simbahan hu mga Judio ha nakauma ha tagngaranan ki Jairo. Luminuhud haena diyà ta atubangan hi Jesus dayun minagayuk ha dumiyà si Jesus ta balay din

Lucas 8:41 Σταυροειδείς Αναφορές

Lucas 13:14

Ba sa agalen duun taena ha simbahan napauk gayed ta namulung si Jesus duun hu Aldaw hu Paghimlay, aman inikagiyan din sa mga etaw, “Haenem ha aldaw sa intugut hu etaw ha magtrabahu. Dumini kaw taini ha mga aldaw hu pagpabulung kenà duun hu Aldaw hu Paghimlay.”

Lucas 17:16

Luminuhud haena duun hu atubangan hi Jesus daw migpasalamat. Saena ha etaw kenà Judio ba taga-Samaria.

Lucas 5:8

Su maahà hi Simon Pedro su nahitabù luminuhud diyà ta atubangan hi Jesus daw ikagi, “Awà ka dini ta kanak, Ginuu, ta makasasalà a gayed.”

Lucas 8:42

ta agpatay en su sabubuwa dà ha laga-laga din ha sampulù en daw daruwa sa tuig taena. Su taghipanaw en si Jesus naamul-amulan hu madakel tungkay ha mga etaw ha agpakalipit kandin.

Lucas 8:49

Su kamulu pa si Jesus tag-ikagi nakauma sa mga etaw ha napuun ta balay hi Jairo su agalen taena ha simbahan ha tagyanaen, “Su laga-laga nu minatay en aman harì nud en agsamuka sa Manunudlù.”

Juan 11:21

Dayun inikagiyan hi Marta si Jesus, “Ginuu, ku dini ka pa ngaay harì gayed matay sa suled ku.

Mga Buhat 13:15

Su mapengahan sa pagbasa hu Kasuguan daw hu mga insulat hu prupita huminangyù sa mga agalen taena ha simbahan diyà kay Pablo. Kagi dan, “Mga suled, amin nuy ba maikagi ha salambagan duun hu mga etaw?”

Mga Buhat 18:17

Dayun dinakep dan si Sostenes sa agalen duun taena ha simbahan daw pagbunalai duun hu atubangan ku hukmanan. Ba si Galio hurà en maglabet-labet kandan.

Mga Buhat 18:8

Si Crispo sa agalen duun taena ha simbahan tuminuu daan hu Ginuu duma hu pamilya din. Madakel pa gayed sa taga-Corinto ha migpaliliman ki Pablo daw tuminuu ki Jesus dayun binautismuwan.

Mga Buhat 9:38

Su mapaliman hu mga tumutuu ha si Pedro diyà ta Lida sa ubayà dan ha banuwa pinaelegan dan haena hu daruwa ha etaw daw ikagiyi, “Umagpas ka diyà ta Jope.”

Impadayag 5:8

Su timuen din haena namanluhud daan su haepat ha tinanghagà su kaluwaan daw haepat ha mga magulang, duun hu atubangan taena ha Nati ha Karniru. Kada sabuwa kandan tagbalabad hu arpa daw yahung ha bulawan ha napunù hu insinsu ha tagsunugen ta iyan haini pag-ampù hu mga etaw hu Dios.