Lucas 8:2 - Lalang Hu Dios

² daw amin daan mga bahi ha nangadaluwan daw tinaguan hu busaw su anay ha nangaulian en. Iyan haena sidan si Maria sa tagngaranan ki Magdalena ha iyan su ginuwaan hu pitu ha busaw,

Lucas 8:2 Σταυροειδείς Αναφορές

Mateo 4:24

Sa tultulanen mahitenged kandin nakalekep diyà ta prubinsya ta Siria, aman pinan-uwit dan diyà ta kandin sa mga etaw ha agkangadaluwan hu hurà mag-iling ha dalu daw sa agkangasakitan. Sa duma kandan agkangabidbid daw amin mga minatay en sa dibaluy ha lawa din daw sa duma tinaguan en hu mga busaw. Ba alan sidan naulian hi Jesus.

Marcos 16:1

Su maiwas en sa Aldaw hu Paghimlay daw suminibwal en sa aldaw duun hu Duminggu, si Maria Magdalena, si Salome, daw si Maria sa inay hi Santiago duminuun ku piglebengan ki Jesus sa tag-uuwit hu pahumut ha pinalit dan ta ighaplas dan haena hu lawa hi Jesus.

Marcos 16:9

Su mabanhaw en si Jesus hu kaaldawen hu Duminggu iyan una ha pigpaahaan din diyà si Maria Magdalena su naulian din ha tinaguan su anay hu pitu ha busaw.

Lucas 23:27

Madakel ha mga etaw sa namanduma kandan daw amin daan mga bahi ha tag-agalà hu paglugul tumenged kandin.

Lucas 23:49

Sa mga kadumahan hi Jesus daw su mga bahi ha duminuma kandin ha diyà napuun ta Galilea nakaahà daan taini ha mga hitabù, ba diyà dà sidan ta madiyù.

Lucas 23:55

Sa mga bahi ha namanduma ki Jesus ha napuun diyà ta Galilea luminupug ki Jose aman naahà dan sa lebeng daw ku pig-inu-inu sa kalebenga ki Jesus.

Lucas 8:30

Ininsaan haena hi Jesus, “Sin-u sa ngaran nu?” Tuminubag, “Libu-libuwen” tumenged ta madakel en sa busaw ha tuminagù kandin.

Juan 19:25

Duun hu ubay ku krus ha piglansangan ki Jesus diyà tagtiyadeg si Inay din daw sa suled hi Inay din, si Maria ha asawa hi Clopas daw si Maria Magdalena.

Mga Buhat 1:14

Sigi sidan tag-amul-amul hu pag-ampù duma hu mga bahi daw hi Maria sa inay hi Jesus daw sa duma pa ha suled hi Jesus.