Lucas 7:34 - Lalang Hu Dios

³⁴ Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha mga manunukut hu buhis daw mga masinupaken.’

Lucas 7:34 Σταυροειδείς Αναφορές

Mateo 11:19

Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha manunukut hu buhis daw mga masinupaken.’ Ba pinaagi hu maayad ha bunga hu mga buhat day napamatud-an ha hustu gayed sa mga paagi hu Dios.”

Mateo 5:46

Harì nuy aghenhenaa ha balesan kaw hu Dios ku iyan dà palanggaen nuy sa tagpalanggà daan inyu, ta bisan sa mga limbungan ha manunukut hu buhis tagbuhaten dan daan haena.

Mateo 9:11

Su maahà haena hu mga Parisiyu nanginginsà sidan duun hu mga tinun-an hi Jesus, “Imbà sa Manunudlù nuy pakigsalu ku mga limbungan ha manunukut hu buhis daw hu mga masinupaken?”

Lucas 11:37

Su makapenga si Jesus mag-ikagi inimbita hu sabuwa ha Parisiyu hu pagkaen diyà ta balay din aman duminuma si Jesus daw pinuu ta agkaen.

Lucas 14:1

Amin aldaw hu Sabadu ha su kumaen si Jesus duun hu balay ku nabantug ha Parisiyu pigbantayan hu mga etaw si Jesus.

Lucas 15:2

Ba sa mga Parisiyu daw sa mga manunudlù hu Kasuguan migtamudmud hu kagi dan, “Saini ha etawa nakigduma-duma hu mga makasasalà daw nakigsalu kandan.”

Lucas 19:7

Sa alan ha mga etaw ha nakaahà taena migtamudmud ha tagyanaen, “Imbà haini seled duun hu balay hu makasasalà?”

Lucas 5:29

Miggastu si Levi diyà ta balay din para ki Jesus. Madakel ha mga manunukut hu buhis daw duma pa ha mga etaw sa nakigsalu kandan.

Lucas 7:33

Su makauma si Juan Ha Tagpamautismu sa tagsalang hu pagkaen daw hurà inum hu binu inikagi nuy ha bà dà haena agkalibeg.

Lucas 7:35

Ba saena ha duminawat hu katudluanan ku daw hu ki Juan nakakilala ha hustu gayed sa mga paagi hu Dios.”

Lucas 7:36

Amin Parisiyu ha mig-imbita ki Jesus hu pagkaen diyà ta balay din aman duminiyà si Jesus ta kandin daw kaen.

Juan 12:2

Su makauma haena diyà impapanihapun dan. Si Lazaro suminalu ki Jesus daw si Marta iyan migtangel.

Juan 2:2

daw inimbita daan si Jesus daw sa mga tinun-an din.