Lucas 6:38 - Lalang Hu Dios

³⁸ Mag-ila kaw daw ilahan kaw daan hu Dios, ta ku inu kadakel sa ig-ila nuy iyan daan haena kadakel hu ig-ila din inyu daw labaw pa iman sa iila din dì hu kinahanglanen nuy.”

Lucas 6:38 Σταυροειδείς Αναφορές

Mateo 10:42

Daw bisan sin-u sa makapainum hu bisan nangkatasa dà ha wahig duun hu pinakaminus en ha sumusunud ku, balesan gayed haena hu Dios.”

Mateo 7:2

Ta ku inu sa ighukum nuy hu duma nuy iyan en daan haena ighukum inyu hu Dios, daw sa kabegat hu ighukum nuy iyan en daan haena kabegat hu ighukum inyu hu Dios.

Marcos 4:24

Daw inikagiyan daan sidan hi Jesus, “Panday kaw gayed magpaliliman, ta ku inu kadakel sa ig-ila nuy iyan daan haena kadakel hu ig-ila inyu hu Dios daw labaw pa sa iila din dì hu kinahanglanen nuy.

Lucas 6:30

Ku amin manayù diyan ta inyu ilahi nuy, daw ku amin tumimù hu mga butang nuy harì nuy en haena bawien diyà ta kandin.

Santiago 2:13

Sa Dios hurà din en gayed kahid-u hu etaw ha hurà din daan kahid-u hu duma din, ba saena ha agkahid-u hu duma din harì gayed agkahaldek ha mahukuman.