Lucas 6:30 - Lalang Hu Dios

³⁰ Ku amin manayù diyan ta inyu ilahi nuy, daw ku amin tumimù hu mga butang nuy harì nuy en haena bawien diyà ta kandin.

Lucas 6:30 Σταυροειδείς Αναφορές

Mateo 18:35

“Iling daan taena sa buhaten diyan ta inyu hu Amay ku diyà ta langit ku harì nuy gayed pasayluwen sa duma nuy.”

Mateo 5:39

Ba ikagiyen ku inyu ha harì nuy gayed sukulan sa tagpasipala inyu. Ku amin etaw ha laparuwen din sa kawanan ha pipi nuy ipalaparu daan sa dibaluy.

Mateo 6:12

Pasayluwa kay hu mga salà day ta pinasaylu day daan sa nakasalà dini ta kanay.

Lucas 11:41

Sumalà hu mahimu nuy ilahi sa mga makaluluuy ha etaw dayun malimpyu kaw gayed.

Lucas 12:33

Ipamaligyà sa mga butang nuy daw sa halin taena ipan-ila duun hu mga makaluluuy ta daw amin nuy mga katigayunan diyà ta langit ha harì matakaw harì agkadaetan daw harì daan maketket.

Lucas 18:22

Su mapaliman haena hi Jesus inikagiyan din, “Amin pa gayed sabuwa ha hurà nu kabuhat. Ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Lucas 6:29

Ku amin etaw ha laparuwen din sa dibaluy ha pipi nuy ipalaparu daan sa dibaluy. Ku amin etaw ha ag-agaw hu pinaksuy nuy iila en daan kandin sa kamasita nuy.

Lucas 6:31

Ku inu sa agkabayaan nuy ha buhaten diyan ta inyu hu mga duma nuy iyan daan haena buhaten nuy diyà ta kandan.

Lucas 6:38

Mag-ila kaw daw ilahan kaw daan hu Dios, ta ku inu kadakel sa ig-ila nuy iyan daan haena kadakel hu ig-ila din inyu daw labaw pa iman sa iila din dì hu kinahanglanen nuy.”

Mga Buhat 20:35

Duun hu alan ha binuhat ku impaahà ku inyu ha kinahanglan ha maniguru kuy magtrabahu ta daw mabuligan taw sa taglised, ta henhenaen taw sa inikagi hi Jesus ha Ginuu su magyanaen, ‘Malipayen gayed sa tag-ila dì hu ag-ilahan.’”

2 Corinto 8:9

Natun-an nuy ku inu gayed sa grasya hi Cristo Jesus ha Ginuu taw. Bisan ku sapian diyà ta langit ba nabuhat ha makaluluuy para inyu ta daw pinaagi taena mabuhat kaw daan ha sapian.

Efeso 4:28

Saena ha takaw kinahanglan ha umendà en hu pagpanakaw daw magtrabahu en hu maayad ta daw mabuligan din daan sa taglised.