Lucas 5:27 - Lalang Hu Dios

²⁷ Su maiwas en haena huminipanaw si Jesus, dayun naahà din sa tagpinuu ha tagpanukut hu buhis ha tagngaranan ki Levi. Inikagiyan din haena, “Dumuma ka kanak.”

Lucas 5:27 Σταυροειδείς Αναφορές

Mateo 10:3

si Felipe daw si Bartolome, si Tomas daw si Mateo sa manunukut hu buhis, si Santiago sa batà hi Alfeo daw si Tadeo,

Mateo 16:24

Dayun inikagiyan hi Jesus sa mga tinun-an din, “Bisan sin-u sa agkabayà agsunud kanak kinahanglan ha lipatan din gayed sa kandin ha agkabayaan daw antusen din sa alan ha mga malegen bisan duun hu kamatayen ta daw makasunud kanak.

Mateo 8:22

Ba inikagiyan haena hi Jesus, “Dumuma kad kanak ta su mga etaw ha hurà dan pa kinabuhì iyan en maglebeng hu mga minatay.”

Marcos 3:18

Pinilì daan hi Jesus si Andres daw si Felipe, si Bartolome daw si Mateo, si Tomas daw si Santiago sa batà hi Alfeo, si Tadeo daw si Simon sa sakup hu Cananiyo

Lucas 18:22

Su mapaliman haena hi Jesus inikagiyan din, “Amin pa gayed sabuwa ha hurà nu kabuhat. Ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Juan 1:43

Su maisab ha aldaw nahenhenaan hi Jesus ha dumiyà ta prubinsya ta Galilea. Inelegan din si Felipe daw ikagiyi, “Dumuma ka kanak.”

Juan 12:26

Bisan sin-u sa agkabayà ha mahimu ha suluguen ku kinahanglan ha lumupug kanak daw bisan ku hindu a, duun en daan haena. Sa magtuman hu mga sugù ku madayè gayed hu Dios ha Amay ku.