Lucas 5:20 - Lalang Hu Dios

²⁰ Su matun-an hi Jesus ha adagi gayed sa pagsalig dan inikagiyan din su agkadaluwan, “Napasaylu en sa mga salà nu.”

Lucas 5:20 Σταυροειδείς Αναφορές

Mateo 9:2

Amin mga etaw ha taglanting hu minatay en sa dibaluy ha lawa din daw inuwit dan haena diyà ki Jesus. Su matun-an hi Jesus ha adagi gayed sa pagsalig kandin taena ha mga etaw inikagiyan din su agkadaluwan, “Magmalipayen ka ta napasaylu en sa mga salà nu.”

Mateo 9:5

Inu diay sa malumu ha ikagiyen duun taini ha agkadaluwan? Iyan ba sa ‘Napasaylu en sa mga salà nu’ daw ku iyan ba sa ‘Bangun ka daw hipanaw kad en’?

Marcos 2:5

Su matun-an hi Jesus ha adagi gayed sa pagsalig dan inikagiyan din su agkadaluwan, “Napasaylu en sa mga salà nu.”

Lucas 7:48

Dayun inikagiyan hi Jesus haena sa bahi, “Pinasaylu en sa mga salà nu.”

Juan 2:25

Harì en kinahanglan ha tultulan pa si Jesus mahitenged hu mga etaw ta daan din en natun-an ku inu sa duun hu mga henà-henà dan.

Juan 5:14

Su malugay-lugay en naahà hi Jesus haena sa naulian duun hu Timplu, dayun inikagiyan din, “Naulian kad en iman aman endai nud sa mga buhat ha madaet ta daw harì kad en madaluwan hu ayuwà pa malegen.”

Mga Buhat 11:23

Su makauma haena diyà naahà din sa pagpanalangin hu Dios kandan aman nabayà-bayà gayed. Pigdasig din ha maniguru gayed sidan daw harì umendà hu pagtuu duun hu Ginuu.

Mga Buhat 14:9

saena migpaliliman gayed hu pagpanunultul hi Pablo. Dayun inahà haena hi Pablo daw natun-an din ha amin gayed pagtuu taena ha etaw ta daw maulian.

2 Corinto 2:10

Bisan sin-u sa pasayluwen nuy agpasayluwen ku daan. Natun-an hi Cristo ha pinasaylu ku haena ta daw magmalinawen kaw gayed

Colosas 3:13

Mag-inantusay kaw gayed daw pasayluwa nuy sa nakasalà diyan ta inyu. Iling ha pinasaylu kaw hu Ginuu kinahanglan ha pasayluwen nuy daan sidan.

Santiago 2:18

Ba amin gid umikagi, “Amin nu pagtuu ba siak maayad sa mga buhat ku.” Ipaahà nu kanak ku agkainu-inu sa pagtuu ha hurà duun maayad ha mga buhat, ta igpaahà ku daan ikaw sa mga buhat ha maayad ha iyan timaan hu pagtuu ku.