Lucas 23:41 - Lalang Hu Dios

⁴¹ Sikit sa daruwa angayan ha silutan ta laus ha nakasalà ki ba hurà gayed salà taini ha duma ta.”

Lucas 23:41 Σταυροειδείς Αναφορές

Mateo 27:19

Su duun en si Pilato taena ha pinun-ayà hu maghuhukum nakauma daan sa sulat hu asawa din ha tagyanaen, “Harì ka maglabet-labet taini ha etaw ha hurà din salà ta ganina ha daleman mig-antus a hu damugu ku mahitenged kandin.”

Mateo 27:24

Su matun-an hi Pilato ha hurà en pulus hu pag-ikagiyà din ta agkagubut en sa mga etaw tuminimù haena hu wahig daw henawi sa alima din duun hu atubangan taena ha mga etaw hu kagi din, “Inyu en haini ha salà aman sa langesa taini ha etaw diyan en ta alima nuy ta nangenaw ad en hu kanak.”

Mateo 27:4

daw minikagi, “Nakasalà a gayed ta piglimbungan ku sa etaw ha hurà din salà.” Ba saena ha mga agalen tuminubag, “Hurà day en labet ta ikaw dà hayana ha kasamuk.”

Mateo 27:54

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Lucas 23:40

Ba binaldeng haena ku duma din ha masinupaken, “Harì ka ba diay agkahaldek hu Dios sa alan kuy man hinukuman hu kamatayen?

Lucas 23:42

Dayun inikagiyan din si Jesus, “Ginuu, henhenaa a ikaw asem ku magharì ka.”

1 Tesalonica 2:10

Su diyan kay pa ta inyu natun-an nuy daw natun-an daan hu Dios ha sa batasan day himpit daw matareng gayed ha hurà ikasaway taena.

Santiago 4:7

Aman itugyan nuy duun hu Dios sa kaugalingen nuy. Sukuli nuy si Satanas daw mapulaguyan kaw kandin.

1 Pedro 1:19

ba iyan sa tungkay gayed mahal. Saena iyan si Cristo sa migpaagas hu langesa din ha inhalad iling hu nati hu karniru ha hurà gayed madaet duun.

1 Pedro 2:23

Su tameyesen hurà en gayed magtubag-tubag. Su mag-antus daan hu pasipala hurà en panhulgà ba insalig din en sa kaugalingen din duun hu Dios ha iyan matareng ha Maghuhukum.