Lucas 23:26 - Lalang Hu Dios

²⁶ Su tag-uwiten dan en si Jesus diyà ta guwà taena ha banuwa nasal-aw dan sa etaw ha taga-Cirene ha tagngaranan ki Simon, dayun pineges dan ha tiangen din su krus daw lupug ki Jesus.

Lucas 23:26 Σταυροειδείς Αναφορές

Mateo 5:41

Ku amin etaw ha magpeges inyu hu pag-uwit hu mga butang din hu nangkakilumitru buligi haena taman hu daruwa ha kilumitru.

Lucas 14:27

Bisan sin-u haena sa harì agkabayà tag-antus hu alan ha mga malegen bisan duun hu kamatayen tumenged hu pagsunud kanak saena harì gayed mabaluy ha sumusunud ku.

Lucas 23:25

Impaguwà hi Pilato si Barabas sa naprisu ta migbuhat hu kagubut diyà ta banuwa daw nakapatay, dayun si Jesus intugyan din duun hu mga etaw.

Lucas 9:23

Dayun minikagi si Jesus duun hu kaet-etawan, “Bisan sin-u sa agkabayà agsunud kanak kinahanglan ha lipatan din gayed sa kandin ha agkabayaan daw aldaw-aldaw antusen din sa alan ha mga malegen bisan duun hu kamatayen ta daw makasunud kanak.

Mga Buhat 13:1

Duun hu tagkaamul-amul ha mga tumutuu diyà ta Antiokia amin mga etaw ha pakasaysay hu igpaikagi hu Dios daw saena manunudlù daan ha iyan si Bernabe, si Saulo daw si Simeon ha tagngaranan daan ki Niger, si Lucio ha taga-Cirene daw si Manaen sa duun en mig-adagi hu pamilya hu amay hi Harì Herodes.

Mga Buhat 2:10

Sa duma mga taga-Frigia daw mga taga-Pamfilia, mga taga-Ehipto daw duun nangapuun hu mga banuwa diyà ta Libya ha ubay ta Cirene. Sa duma mga langyaw ha sakup ta Roma ha sa duma mga Judio daw sa duma daan mga kinabig duun hu tinuuwan hu mga Judio.

Mga Buhat 6:6

Impaatubang su nangapilì duun hu mga apustulis daw pinagaheman sidan pinaagi hu pagdampà hu ulu dan taena ha mga apustulis dayun inampuan dan sidan.

Mga Buhat 6:9

Ba amin daan nakigsawalà ki Esteban ha mga sakup taena ha simbahan hu mga Judio ha pigngaranan hu Simbahan hu Nalibri ha Ulipen. Saini sidan diyà nangapuun ta Cirene daw ta Alejandria daw sa duma daan duun hu mga prubinsya ta Cilicia daw ta Asia.