Lucas 22:52 - Lalang Hu Dios

⁵² Inikagiyan hi Jesus su mga labaw ha sinaligan hu paghalad daw su mga kapitan hu mga bantay taena ha Timplu daw su mga magulang, “Agalen a ba hu mga tulisan imbà kaw tag-uuwit hu mga ispada daw mga bunal hu pagdakep kanak?

Lucas 22:52 Σταυροειδείς Αναφορές

Mateo 26:47

Su kamulu pa tag-ikagi si Jesus nakauma en sa sabuwa duun taena ha sampulù daw daruwa ha tinun-an ha iyan si Judas duma hu madakel ha mga etaw ha tag-uuwit hu mga ispada daw mga bunal ta sinugù sidan hu mga labaw ha sinaligan hu paghalad daw hu mga magulang.

Mateo 26:55

Dayun inikagiyan hi Jesus su mga etaw, “Agalen a ba hu mga tulisan imbà kaw tag-uuwit hu mga ispada daw mga bunal hu pagdakep kanak? Aldaw-aldaw migpinuu a diyà ta Timplu daw nanudlù, imbà a hurà inyu dakepa diyà?

Lucas 22:37

Ta ikagiyen ku inyu ha matuman gayed sa insulat ha lalang hu Dios ha tagyanaen, ‘Ag-isipen haena ha masinupaken daan.’ Sa alan ha intagnà mahitenged kanak tagkatuman en.”

Lucas 22:4

Aman duminuun hu mga labaw ha sinaligan hu paghalad daw hu mga kapitan hu bantay taena ha Timplu daw nakiglalang ku in-inuwen din paglimbung ki Jesus.

Lucas 22:51

Ba si Jesus minikagi, “Endai en hayan.” Dinampà din dayun sa talinga taena ha suluguen aman naulian.

Lucas 22:53

Aldaw-aldaw diyà a ta Timplu daw nanudlù ba hurà a inyu dakepa. Ba iyan en iman haini panahun ha maahà sa gahem hi Satanas.”

Juan 17:12

Su duma a pa kandan pigbantayan ku sidan pinaagi hu gahem ha in-ila nu kanak. Hurà malaag kandan ba iyan dà sa intagnà en ha maglimbung kanak ta daw matuman sa insulat ha lalang nu.

Mga Buhat 5:26

Aman su kapitan hu mga bantay daw sa mga sakup din inelegan dan su mga apustulis daw uwita duun hu mga agalen. Ba hurà dan pegesa ta agkahaldek sidan ku batuwen sidan hu mga etaw.