Lucas 20:24 - Lalang Hu Dios

²⁴ “Ipaahà kanak sa salapì ha igbayad nuy hu buhis. Sin-u ha weleng daw ngaran sa nakaugsak duun taini ha salapì?” Tuminubag sidan, “Iyan si Cesar sa Harì ta Roma.”

Lucas 20:24 Σταυροειδείς Αναφορές

Mateo 18:28

“Ba su tag-ulì en haena nasal-aw din su duma din ha suluguen ha nakautang daan diyà ta kandin hu pila dà ha salapì. Pinekel din dayun su suluguen daw ikagiyi, ‘Bayari en su utang nu kanak.’

Mateo 20:2

Su mga etaw ha naahà din pigsabutan dan ha agsuhulan din sidan hu tigsabuwa ha salapì ta iyan haena naanadan ha suhul hu sabuwa ha etaw kada aldaw, dayun impatrabahu din sidan.

Mateo 22:20

dayun ininsaan sidan hi Jesus, “Sin-u ha weleng daw ngaran sa nakaugsak duun taini ha salapì?”

Marcos 12:16

Inuwit dan su salapì dayun ininsaan sidan hi Jesus, “Sin-u ha weleng daw ngaran sa nakaugsak duun taini ha salapì?” Tuminubag sidan, “Iyan si Cesar sa Harì ta Roma.”

Lucas 2:1

Duun taena ha panahun ha iyan si Cesar Agusto Harì ta Roma migsugù haena ha listahen sa mga ngaran hu alan ha mga ginsakupan din.

Lucas 20:22

Aman ikagiyi kay ikaw ku igtugut ba hu Kasuguan taw ha magbayad kuy hu buhis diyà ki Cesar.”

Lucas 20:23

Ba natun-an hi Jesus ha bà dan dà agbitika aman inikagiyan din sidan,

Lucas 20:25

Dayun inikagiyan sidan hi Jesus, “Ku kandin diay haini kinahanglan ha iila nuy diyà ki Cesar sa buhis daw iila nuy daan duun hu Dios sa kandin ha bahin.”

Lucas 23:2

Insumbung haena hu kagi dan, “Binistiga day en haini sa etaw aman natun-an day ha migtudlù hu pagsupak hu gubirnu ta harì din agtugutan sa mga etaw ha magbayad hu buhis diyà ki Cesar daw kagi din pa daan ha iyan en su Misiyas ha Harì.”

Lucas 3:1

Su sampulù en daw lalima ha tuig sa pagkaharì hi Tiberio Cesar diyà ta Roma, si Poncio Pilato iyan daan gubirnadur diyà ta Judea daw si Herodes iyan harì diyà ta Galilea. Sa suled din ha si Felipe iyan daan harì diyà ta Iturea daw ta Triconitis, daw si Lisanias iyan harì diyà ta Abilene.

Mga Buhat 11:28

Sa sabuwa kandan ha iyan si Agabo sa inulinan hu Balaan ha Ispiritu huminitindeg daw ikagiyi sa mga tumutuu ha pakauma sa adagi ha kauhul dini ta tibuuk ha kalibutan. Saena natuman gayed su pagharì en hi Claudio.

Mga Buhat 26:32

Inikagiyan hi Agripa si Festo, “Nakaguwà en ngaay haini ku hurà din hangyua ha bistigahen hi Cesar.”

Filipos 4:22

Sa alan ha mga tumutuu dini labi en sa mga sakup hu panimalay hi Harì Cesar agpangamusta daan inyu.