Lucas 2:33 - Lalang Hu Dios

³³ Si Jose daw si Maria nabeleng taena ha inikagi hi Simeon mahitenged ku batà dan.

Lucas 2:33 Σταυροειδείς Αναφορές

Mateo 12:46

Su kamulu pa si Jesus tag-ikagi duun taena ha madakel ha mga etaw nakauma si Inay din daw sa mga suled din ta amin dan ag-ikagiyen kandin, ba diyà dà sidan tagtiyadeg ta guwà.

Mateo 8:10

Su mapaliman haena hi Jesus nabeleng gayed daw inikagiyan din su mga etaw ha namanduma kandin, “Laus gayed sa ag-ikagiyen ku inyu ha hurà ku pa gayed naahà duun hu mga kaliwatan hi Israel ha agkailing taini sa pagtuu din.

Lucas 2:18

Nangabeleng sa mga etaw ha nakapaliman taena ha inikagi hu mga magbalantay hu karniru.

Lucas 2:48

Su maahà en haena hi Jose daw hi Maria nangabeleng gayed sidan. Aman inikagiyan hi Maria, “Imbà nu buhata haini dini ta kanay ta sikay ki Jose nasamukan gayed hu pagpan-ahaay ikaw?”

Lucas 20:26

Saena ha tagpaniid ki Jesus hurà gayed makaahà hu katarengan ha makasumbung dan tumenged hu inikagi din duun hu kaet-etawan. Nangabeleng sidan hu mga tubag hi Jesus aman bà dà sidan nakaghagteng.

Lucas 9:43

Nangabeleng sa alan ha mga etaw hu pagkagamhanan hu Dios. Su kamulu pa sa mga etaw agkabeleng hu binuhat hi Jesus inikagiyan din sa mga tinun-an,