Lucas 2:11 - Lalang Hu Dios

¹¹ Diyà iman ta Bethlehem sa banuwa hi David imbatà en sa Manluluwas hu kaet-etawan ha iyan si Cristo ha Ginuu.

Lucas 2:11 Σταυροειδείς Αναφορές

Mateo 1:16

Si Jacob amay hi Jose ha iyan asawa hi Maria ha inay hi Jesus. Si Jesus iyan tagngaranan ki Cristo.

Mateo 1:21

Saena ku ibatà asem maama gayed daw sa ingaran nu duun iyan si Jesus ta sa mga etaw ha agsunud kandin aglibriyen din duun hu mga salà dan.”

Mateo 16:16

Tuminubag si Simon Pedro, “Iyan ka su Misiyas sa Batà hu bubuhay ha Dios.”

Mateo 16:20

Dayun binalaudan hi Jesus sa mga tinun-an din ha harì gayed manunultul ha si Jesus iyan en su Misiyas.

Lucas 1:43

Pigpanalanginan a daan hu Dios ta sa inay hu Ginuu ku duminini gayed ta kanak.

Lucas 1:69

Agsuguen din dini ta kanuy sa Manluluwas ha kaliwat hi David sa suluguen din

Lucas 2:26

aman impadayag kandin ha daw en haena patay ku maahà din en sa Misiyas ha sinugù hu Dios.

Lucas 2:4

Si Jose sa diyà napuun ta Nazareth ha sakup ta Galilea duminiyà daan ta Bethlehem ha sakup ta Judea ta sa Bethlehem iyan banuwa ha duun imbatà si David sa gin-apuan din.

Juan 1:41

Inelegan din sagunà si Simon daw ikagiyi, “Naahà day en sa Misiyas” ha tagngaranan daan ki Cristo.

Juan 1:45

Aman sagunà inelegan hi Felipe si Natanael daw ikagiyi, “Naahà day en haena sa etaw ha sinubay hu mga prupita daw sa sinubay daan hi Moises duun hu Kasuguan. Iyan haena si Jesus sa batà hi Jose ha taga-Nazareth.”

Juan 11:27

Tuminubag si Marta, “Hee, Ginuu, agtuu a ha iyan ka su Misiyas ha Batà hu Dios ha intagnà ha dumini ta kalibutan.”

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Juan 4:25

Tuminubag su bahi, “Natun-an ku ha makauma ku malugay sa Misiyas ha tagngaranan daan ki Cristo. Ku makauma en haena isaysay din kanuy sa alan.”

Juan 4:42

Inikagiyan dan haena sa bahi, “Sa igpakatuu day kenà iyan dà sa intultul nu kanay ba napaliman day gayed sa lalang din daw natun-an day ha iyan en gayed Manluluwas hu kaet-etawan.”

Juan 6:69

Iman agtuu kay ikaw ta natun-an day ha iyan ka su sinugù hu Dios.”

Juan 7:41

Sa duma minikagi, “Iyan en haena su Misiyas.” Ba sa duma minikagi daan, “Kenà ta harì mahimu ha diyà kapuun sa Misiyas ta Galilea

Mga Buhat 10:36

Sa Maayad ha Tultulanen ha insangyaw kanay sikay sa mga kaliwatan hi Israel iyan haini sa magmalinawen kuy pinaagi ki Cristo Jesus sa Ginuu hu alan.

Mga Buhat 13:23

Si David iyan gin-apuan hi Jesus sa Manluluwas ha impadini hu Dios ta kanuy sikuy sa mga kaliwat hi Israel ta iyan haena insaad din kanuy.

Mga Buhat 2:36

“Aman kinahanglan ha sikuy sa alan ha mga kaliwat hi Israel, matun-an taw gayed ha si Jesus sa impalansang nuy duun hu krus binuhat hu Dios ha iyan Ginuu taw daw Misiyas.”

Mga Buhat 5:31

Iman impatangkaw haena hu Dios daw duun impapinuu hu kawanan din isip ha Harì daw Manluluwas taw ta daw ku maghinulsul kuy sikuy sa mga kaliwat hi Israel pasayluwen kuy kandin.

1 Corinto 15:47

Sa nauna ha Adan binuhat hu Dios pinaagi hu bugtà, ba sa ikaduwa ha iyan si Cristo diyà napuun ta langit.

Filipos 2:11

daw sa alan makaikagi ha si Cristo Jesus na Ginuu gayed hu alan daw pinaagi taena madayè sa Dios ha Amay din.

Filipos 3:8

Laus gayed ha sa alan iman inisip kud ha hurà din en pulus ta nailisan en haena hu labaw pa kamahal ha iyan sa pagpakatuen ku mahitenged ki Cristo Jesus ha Ginuu ku. Tumenged kandin inendaan ku sa alan daw inisip ku haena ha bà dà mga putput ta daw maangken ku si Cristo

Colosas 2:6

Tumenged ta dinawat nuy en si Cristo Jesus ha Ginuu dumayun kaw en duun hu pagpakigsabuwa kandin

1 Juan 4:14

Daw sikay sa mga apustulis makapanistigus kay daan ha impadini hu Dios ha Amay taw sa Batà din ta kalibutan ta daw iyan Manluluwas hu kaet-etawan. Sa hinengdan ha pakapanistigus kay taena ta naahà day gayed si Jesus.

1 Juan 5:1

Bisan sin-u sa tuminuu ha si Jesus iyan en su Misiyas saena batà gayed hu Dios. Daw bisan sin-u sa tagpalanggà hu amay palanggaen din daan sa mga batà din.