Lucas 12:42 - Lalang Hu Dios

⁴² Tuminubag si Jesus, “Sa suluguen ha kasaligan iyan ipagbayà hu agalen din hu pagpakaen taena ha mga duma din ha suluguen duun hu hustu ha panahun.

Lucas 12:42 Σταυροειδείς Αναφορές

Mateo 13:52

Inikagiyan din sidan, “Sa manunudlù hu Kasuguan ha tinudluan mahitenged hu tagharian hu Dios agkailing hu etaw ha madakel tungkay sa mga butang din diyà ta balay din, daw saena ha mga butang kenà alan dà karaan ba amin daan duun mga bag-u.”

Mateo 20:8

“Su agpanukilem en inikagiyan din su sinaligan din, ‘Amul-amulen sa mga etaw ha migtrabahu daw iyan nu unahan suhulan su nahudiyan.’

Lucas 12:43

Ku makaulì sa agalen din malipayen gayed haena sa suluguen ha migtuman hu alan ha insugù kandin.

Lucas 7:13

Su maahà hi Jesus su bahi ha balu nahid-uwan din aman inikagiyan din, “Harì ka tag-agalà.”

Lucas 7:19

Aman inumaw hi Juan sa daruwa ha sumusunud din daw sugua diyà ki Jesus ha insaan dan, “Iyan kad ba haena su intagnà ha makauma dini ta kalibutan daw ku amin pa ba lain ha pagsalapen day?”

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

1 Timoteo 3:15

ku mayawat a hu pagdiyan matun-an nud en ku inu sa maayad ku mag-amul-amul kaw pagsimba hu Dios. Ta sikuy sa mga tumutuu pamilya hu Dios ha bubuhay daw mga tukud kuy daan ha duun sa kamatuuran.

1 Timoteo 5:17

Sa mga agalen hu mga tumutuu ha maayad mangalima hu mga sakup dan angayan gayed ha tahuran daw ilahan daan hu tumanan ha suhul din labi en gayed sa agpaniguru tagwali daw tagtudlù.

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Tito 1:7

Tumenged ta saini sinaligan duun hu buluhaten hu Dios kinahanglan hurà ikasaway kandin. Harì tagpalabaw-labaw daw kenà madalì mapauk, kenà daan palainum hu binu, kenà mapasipalahen daw harì tag-agpas ha magsapian.

Hebreo 13:17

Tumanen gayed sa mga agalen nuy daw tahura ta iyan sidan tag-alima inyu duun hu pagtuu daw iyan daan sidan agpanubag duun hu Dios ku pig-inu-inu dan sa katumana hu katengdanan dan. Magmatinumanen kaw kandan ta daw malipayen sidan duun hu buluhaten dan, ta ku harì kaw magtuman luyahan sidan daw sa mga buhat dan harì magpulus inyu.

Hebreo 13:7

Harì nuy aglipati haena sa mga agalen nuy ha iyan migtudlù inyu hu lalang hu Dios. Timan-i sa maayad ha kinaiya dan daw ilingi nuy sa pagtuu dan.

Hebreo 3:5

Si Moises matinumanen gayed ha suluguen hu pag-alima hu pamilya hu Dios su anay, ba saena ha binuhat din alung dà hu igpadayag hu Dios ku malugay.

1 Pedro 4:10

Bisan inu sa katatau nuy ha in-ila inyu hu Dios gamiten nuy ta daw makabulig kaw hu duma nuy ta sinaligan kaw taena ha grasya ha in-ila inyu.