Lucas 12:28 - Lalang Hu Dios

²⁸ Ku madagway sa kabuhata hu Dios hu mga sagbet ha laus dà agkangagangu daw bigsuli iyan kaw pa kan harì mailahan hu bisti. Imbà man kaatiyuay tungkay sa pagsalig nuy hu Dios?

Lucas 12:28 Σταυροειδείς Αναφορές

Mateo 14:31

Sagunà haena inibitan hi Jesus daw ikagiyi, “Imbà ka man tagduwa-duwa? Harì ka ba diay agsalig kanak?”

Mateo 16:8

Ba saena natun-an hi Jesus aman inikagiyan din sidan, “Imbà kaw tag-ikagi ha hurà kaw makag-uwit hu supas? Harì kaw ba diay agsalig kanak?

Mateo 17:17

Minikagi si Jesus, “Sinyu ha mga etaw sa harì agtuu daw suminuway duun hu pagkamatareng, nalugay en sa pagduma-dumahà taw. Inu pa diay kalugay sa pag-angat ku ha tumuu kaw kanak? Uwita dini hayana sa batà.”

Mateo 17:20

Tuminubag si Jesus, “Hurà nuy haena kabugaw ta kulang gayed sa pagtuu nuy. Laus gayed sa ag-ikagiyen ku inyu ha ku sa pagtuu nuy iling dà kaatiyù hu lisu hu mustasa mahimu en ha suguen nuy hayana sa bubungan ha humalin diyà ta alug na makahalin gayed. Hurà gayed harì nuy mahimu.

Mateo 6:30

Ku madagway sa kabuhata hu Dios hu mga sagbet ha laus dà agkangagangu daw bigsuli, iyan kaw pa kan harì mailahan hu bisti. Imbà man kaatiyuay tungkay sa pagsalig nuy hu Dios?

Mateo 8:26

Ba inikagiyan sidan hi Jesus, “Imbà kaw man agkangahaldek? Harì kaw ba diay agsalig kanak?” Dayun migbangun si Jesus daw baldenga sa kalamag daw mga baled aman sagunà migleneng.

Lucas 8:25

Inikagiyan din su mga tinun-an din, “Hindu en diay sa pagsalig nuy kanak?” Sa mga tinun-an hi Jesus tungkay gayed nangahaldek daw nangabeleng aman migpainsaay sidan, “Inu gid haini ha etawa ha bisan sa kalamag daw mga baled agtuu kandin?”

Hebreo 6:7

Sa bugtà ha sigi ag-udanan ha sa pamulahen duun agtubù gayed daw mapulusan hu migpamula duun, saena ha bugtà tagpanalanginan hu Dios.

1 Pedro 1:24

Ta sa lalang hu Dios tagyanaen, “Sa untung hu etaw iling dà hu hilamunen daw sa kadagway din iling dà daan hu bulak. Sa hilamunen laus dà agkagangu daw sa mga bulak din agkangahulug dà,