Lucas 11:31 - Lalang Hu Dios

³¹ Asem ku Aldaw hu Paghukum hukuman kaw hu silut taena ha rayna ta Sheba ta saena madiyù sa hinipanawan din hu pagpaliliman hu katudluanan hi Harì Solomon. Ba iman dini en sa matatau pa dì ki Solomon ba harì nuy agdawaten.

Lucas 11:31 Σταυροειδείς Αναφορές

Mateo 12:42

Sukmatan kaw daan asem hu silut taena ha rayna ta Sheba ta madiyù sa hinipanawan din hu pagpaliliman hu katudluanan hi Harì Solomon. Ba iman dini en sa matatau pa dì ki Solomon ba harì nuy agtuuwan.

Lucas 3:22

daw migbulus diyà ta kandin sa Balaan ha Ispiritu ha agkailing hu salapati. Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Lucas 9:35

Dayun amin lageng ha napuun duun ku gabun ha tagyanaen, “Iyan en haini Batà ku ha pinilì ku aman magpaliliman kaw kandin.”

Roma 2:27

Bisan pa ku kenà sidan mga Judio daw hurà sidan kasirkunsidahi ba pinaagi hu pagtuman dan hu Kasuguan pakapadayag ha sinyu sa mga Judio silutan kaw gayed ta sinupak nuy sa Kasuguan bisan ku pigsirkunsidahan kaw.

Hebreo 11:7

Tumenged hu pagtuu si Noe su ikagiyan hu Dios mahitenged hu lenep tuminuu en bisan ku hurà din pa haena kaahà. Aman tinuman din sa insugù kandin hu Dios ha magbuhat hu arka ta daw malibri sa pamilya din. Pinaagi hu pagkamatinumanen hi Noe nakapadayag ha sa makasasalà ha etaw angayan gayed ha silutan ba si Noe inisip hu Dios ha matareng tumenged hu pagtuu din.