Lucas 1:10 - Lalang Hu Dios

¹⁰ Su panahun hu pagsunug taena ha insinsu madakel daan sa mga etaw diyà ta guwà ha tag-ampù.

Lucas 1:10 Σταυροειδείς Αναφορές

Hebreo 4:14

Pangesegan taw gayed sa pagtuu taw tumenged ta amin taw gamhanan daw tungkay labaw ha sinaligan duun hu atubangan hu Dios ha iyan si Jesus sa Batà din.

Hebreo 9:24

Aman sa inhalad hi Cristo iyan gayed sa lawa din daw saena ha Tabirnakulu ha sineledan din kenà dini dà ta kalibutan ha binuhat hu etaw ba iyan gayed sa laus ha Tabirnakulu diyà ta langit. Iman iyan haena agpangatubang duun hu Dios para kanuy.

Impadayag 8:3

Amin pa nakahiwal ha balinsuguen hu Dios ha tuminiyadeg abay ku halaran. Saena tagbalabad hu yahung ha bulawan daw inilahan hu madakel ha insinsu ta agsunugen haena duun ku bulawan ha halaran duun hu atubangan hu trunu ku tag-ampù sa alan ha mga etaw hu Dios. Sa ebel ku insinsu ha sinunug nakadiyà ta sampaw duma hu mga pag-ampù taena ha mga etaw hu Dios.